Read სბს–სტოკჰოლმი 2001 იობი 23 Bible Online

იობი 23 - სბს–სტოკჰოლმი 2001 bible

იობი 23

¹და მიუგო მას იობმა და თქვა:

²ღესაც ამბოხია ჩემი სიტყვა ჩემი ხელი ამძიმებს ჩემს კვნესას.

³ნეტავი მაცოდინა, სად ვიპოვო იგი და მიმაღწევინა მის სამყოფლამდე,

⁴წინ დავუდებდი ჩემს სარჩელს და მხილებებით ავივსებდი პირს.

⁵გავიგებდი იმ სიტყვებს, რასაც მომიგებდა, და მივხვდებოდი, რასაც მეტყოდა.

⁶თავისი დიდი ძალით ხომ არ გამიმართავდა პაექრობას? არა! მხოლოდ ყურს დამიგდებდა.

⁷იქ, ალალმართალი თავს იმართლებს მის წინაშე - და მე სამუდამოდ დავიხსნიდი თავს ჩემი მსაჯულისაგან.

⁸აჰა, წინ მივდივარ - და იგი არ ჩანს, უკან მივდივარ, კვლავაც ვერ ვხედავ.

⁹ჩრდილოეთით საქმიანობს და ვერ ვამჩნევ, სამხრეთით განზე გადგება და ვერ ვხედავ.

¹⁰მაგრამ მან იცის ჩემი გზა-სავალი, გამომცდის, ოქროსავით გამოვალ.

¹¹ჩემი ტერფი ჩაეჭიდა მის კვალს, მის გზას ვიცავდი განუხრელად.

¹²მის ბაგეთა მცნებებისგან არ გადამიხვევია, მისი პირის სიტყვებს საკუთარზე მეტად ვიცავდი.

¹³მაგრამ იგი უცვლელია და ვინ არის მისი შემდავებელი? რასაც მისი ხელი მოისურვებს, იმას აკეთებს.

¹⁴რადგან ის აღასრულებს ჩემთვის დაწესებულს, და ასეთი ბევრია მასთან.

¹⁵ამიტომ ვკრთი მის წინაშე, ჩავუკვირდები და მეშინია მისი.

¹⁶ღმერთმა დააძაბუნა ჩემი გული და ყოვლადძლიერმა შემაძრწუნა მე.

¹⁷მაგრამ არ დავდუმდები სიბნელეშიც და წყვდიადი ვერ დამფარავს მე.”