Read სბს–სტოკჰოლმი 2001 იობი 26 Bible Online

იობი 26 - სბს–სტოკჰოლმი 2001 bible

იობი 26

¹და მიუგო იობმა და თქვა:

²ით შეწევნიხარ უძლურს? რითი გიხსნია უმწეო მკლავი?

³რა რჩევა მიგიცია სიბრძნეს მოკლებულისთვის? და რა ბევრი სიბრძნე გისწავლებია?

⁴ვისთვის გითქვამს ეს სიტყვები, და ვისი სული გამოდიოდა შენგან?

⁵ლანდები ძრწიან ქვეშეთში, წყალნი და მისი მკვიდრნი.

⁶გაშიშვლებულა შავეთი მის წინაშე და არა აქვს საფარველი აბადონს.

⁷მან განავრცო ჩრდილოეთი სიცარიელეზე, არარაობაზე დაჰკიდა დედამიწა.

⁸იგი ჰკრავს წყლებს თავის ღრუბლებში, და არ სკდება ღრუბელი მათ ქვეშ.

⁹იგი ბურავს სავსე მთვარის პირს, თავისი ღრუბელი მასზე განართხო.

¹⁰წყლის ზედაპირზე წრე შემოავლო ნათლისა და ბნელის საზღვრამდე.

¹¹ცის სვეტები ირყევიან და ძრწიან მის შერისხვაზე.

¹²თავისი ძალით დააცხრო ზღვა და თავისი გონებით შემუსრა რაჰაბი.

¹³მისი სულით ცა გამშვენდა, მისმა ხელმა განგმირა გაქცეული გველი.

¹⁴აჰა, ესენია მისი გზების კიდენი. და რა ჩურჩული გვესმის მასზე! ვინ გაიგებს მისი ძლიერების გრგვინვას?”