Read სბს–სტოკჰოლმი 2001 ფსალმუნები 107 Bible Online

ფსალმუნები 107 - სბს–სტოკჰოლმი 2001 bible

ფსალმუნები 107

¹გალობა. ფსალმუნი. დავითისა. მზად არის ჩემი გული, ღმერთო, მსურს გაქო და გიგალობო; გამოიღვიძე, სულო ჩემო!

²გამომაღვიძე, ჩანგო და ქნარო! გამოვაღვიძებ ცისკარს.

³გადიდებ შენ, უფალო, ერებს შორის და გიგალობებ მოდგმათა შორის,

⁴რადგან დიდია ზეცაზე მეტად წყალობა შენი, და ღრუბლებამდეა ჭეშმარიტება შენი.

⁵ამაღლდი ცათა ზემოთ, ღმერთო, და მთელ ქვეყნიერებას გასწვდეს დიდება შენი,

⁶რათა გადარჩნენ საყვარელნი შენნი; მიხსენი შენი მარჯვენით და მიპასუხე!

⁷ღმერთმა თქვა თავის საწმიდარში: “ვიზეიმებ! გავანაწილებ შექემს და სუქოთის დაბლობს გავზომავ.

⁸ჩემია გილყადი, ჩემია მენაშე, და ეფრემი ჩაჩქანია ჩემი თავისა, იუდა - კვერთხი ჩემი.

⁹მოაბი ავზია ჩემი განსაბანელი, ედომს მისწვდებიან ხამლნი ჩემნი, ფილისტიმს დავკივლებ.”

¹⁰ვინ შემიყვანს გამაგრებულ ქალაქში? ვინ წამიძღვება ედომისაკენ?

¹¹ნუთუ შენ არა, ღმერთო, რომელმაც მიგვატოვე და აღარ გამოხველ ჩვენს მხედრობასთან?

¹²მოგვეც შეწევნა გაჭირვებაში, რადგან ამაოა შველა კაცისმიერი.

¹³ღმერთით შევქმნით ლაშქარს და ის დათრგუნავს ჩვენს მტრებს.