Read სბს–სტოკჰოლმი 2001 ფსალმუნები 11 Bible Online

ფსალმუნები 11 - სბს–სტოკჰოლმი 2001 bible

ფსალმუნები 11

¹დავითის საგალობელი. რვაძალიან საკრავზე. გუნდის ლოტბარს.

²მიხსენი, უფალო! რადგან აღარ არსებობს ღვთისმოსავი, რადგან გამქრალან ჭეშმარიტნი კაცთა მოდგმიდან.

³ტყუილს ეტყვიან ერთიმეორეს, ქლესა ტუჩებით ორპირულად ლაპარაკობენ;

⁴მოსპობს უფალი ქლესა ბაგეებს, გოროზად მოლაპარაკე ენებს,

⁵რომელნიც ამბობენ: “ჩვენი ენებით ვიმძლავრებთ, ბაგენი ჩვენი ჩვენთანაა; ვინ გვიბატონებს?”

⁶“რადგან ღარიბები ძლიერ კვნესიან და ჩაგრულნი გმინავენ, აღვდგები, - ამბობს უფალი, - აღმოვუჩენ შველას, ვისაც იგი სურს.”

⁷უფლის სიტყვები - წმიდა სიტყვებია, მიწის ქურაში გაწმედილი ვერცხლი, შვიდჯერ გადახალისებული.

⁸უფალო, შენ შეინახავ მათ, და ჩვენ დაგვიცავ ამ თაობიდან უკუნისამდე.