Read სბს–სტოკჰოლმი 2001 ფსალმუნები 110 Bible Online

ფსალმუნები 110 - სბს–სტოკჰოლმი 2001 bible

ფსალმუნები 110

¹ალელუია! ვადიდებ უფალს მთელი გულით წმიდათა შეკრებილობასა და თემში.

²დიდია საქმენი უფლისა, სასურველია ყველა მის მოყვარულთათვის.

³მშვენიერება და ბრწყინვალებაა საქმე მისი, და სიმართლე მისი მარადიულია.

⁴სამახსოვროდ ქმნა საოცრებანი თვისნი, მოწყალე და შემბრალებელია უფალი.

⁵საზრდო მისცა თავის მოშიშებს, ახსოვს მარადის თავისი აღთქმა.

⁶ძალა თავის საქმეთა გააგებინა თავის ერს, რომ მიეცა მათთვის მემკვიდრეობა წარმართთა.

⁷მის ხელთა საქმენი ჭეშმარიტება და სამართალია, სარწმუნოა ყველა მცნება მისი,

⁸მტკიცე არიან უკუნითი უკუნისამდე, დაფუძნებულნი ჭეშმარიტებასა და სისწორეზე.

⁹ხსნა მოუვლინა თავის ერს, მცნებად დაუდო საუკუნოდ თავისი აღთქმა; წმიდა და საშიშია სახელი მისი.

¹⁰სიბრძნის დასაბამია შიში უფლისა; აზრკეთილია ყველა, ვინც მათ ასრულებს. მისი დიდება მარადიულია.