Read სბს–სტოკჰოლმი 2001 ფსალმუნები 111 Bible Online

ფსალმუნები 111 - სბს–სტოკჰოლმი 2001 bible

ფსალმუნები 111

¹ალელუია! ნეტარ არს კაცი მოშიში უფლისა, მის მცნებათა ფრიად მოყვარული.

²ძლიერი იქნება ქვეყანაზე შთამომავალი მისი. მართალთა თაობა დაილოცება.

³სიუხვე და სიმდიდრეა მის სახლში, და მისი სიმართლე მარადიულია.

⁴წრფელთ გამოაბრწყინებს სიბნელეში ნათელს, მოწყალე, შემბრალე და მართალი.

⁵კარგია კაცი მოწყალე და გამსესხებელი - გამართულად ილაპარაკებს სამართალში;

⁶რადგან უკუნისამდე არ წაბორძიკდება; საუკუნოდ გასახსენებლად იქნება მართალი.

⁷ცუდი ამბისა არ შეეშინდება; მტკიცედ არის მისი გული მინდობილი უფალზე.

⁸იმედნეულია გული მისი; არ შეშინდება, ოდეს იხილავს თავის მტრებს.

⁹განაბნია და მისცა ღატაკთ; მისი სიმართლე მარადიულია, მისი რქა ამაღლდება დიდებით.

¹⁰ბოროტი ნახავს და განრისხდება, კბილებს დააღრჭენს და დადნება; ბოროტეულთა საწადელი წარიხოცება.