Read სბს–სტოკჰოლმი 2001 ფსალმუნები 117 Bible Online

ფსალმუნები 117 - სბს–სტოკჰოლმი 2001 bible

ფსალმუნები 117

¹ადიდეთ უფალი, რადგან კეთილია, რადგან უკუნისამდეა წყალობა მისი!

²იტყვის ისრაელი: “მართლაც უკუნისამდეა წყალობა მისი!”

³იტყვის სახლი აარონისა: “მართლაც უკუნისამდეა წყალობა მისი!”

⁴იტყვიან მოშიშნი უფლისა: “მართლაც უკუნისამდეა წყალობა მისი!”

⁵გაჭირვებიდან ვუხმობდი უფალს, სიფართოვით მიპასუხა უფალმა.

⁶უფალი ჩემთან არის - არ მეშინია, რას მიზამს კაცი?

⁷უფალი ჩემთან არის შემწედ და მე ვიხილავ ჩემს სიხარულს ჩემს მტრებზე.

⁸უკეთესია დაყრდნობა უფალზე, ვიდრე დაიმედება ადამიანზე.

⁹უკეთესია დაყრდნობა უფალზე, ვიდრე დაიმედება მთავრებზე.

¹⁰ყოველნი თესლ-ტომნი გარს შემომერტყნენ; უფლის სახელით ამოვწყვეტ მათ.

¹¹გარს შემომერტყნენ და გარემომიცვეს, უფლის სახელით ამოვწყვეტ მათ.

¹²გარს შემომერტყნენ ფუტკრებივით; ჩაქრნენ, ვითარცა ცეცხლი ძეძვისა; უფლის სახელით ამოვწყვეტ მათ.

¹³ძლიერ მკრეს ხელი ძირს დასაცემად და უფალი შემეწია მე.

¹⁴ჩემი ძალა და სიმღერაა უფალი, და ის იქნება ჩემი მშველელი.

¹⁵ხმა სიმღერისა და შეწევნისა მართალთა კარვებში: “უფლის მარჯვენა მქმნელია ძალის!

¹⁶უფლის მარჯვენა მომაღლებულია, უფლის მარჯვენა მქმნელია ძალის!”

¹⁷არ მოვკვდები, არამედ ვიცოცხლებ და ვილაპარაკებ უფლის საქმეებზე.

¹⁸დასჯით დამსაჯა უფალმა, სიკვდილს კი არ მიმცა.

¹⁹გამიღეთ ბჭენი სიმართლისა, შევალ მათ წიაღ, ვადიდებ უფალს!

²⁰ეს არის კარიბჭე უფლისა! მართალნი შევლენ შიგ.

²¹გადიდებ შენ, რადგან მიპასუხე და გახდი ჩემი ხსნა!

²²ქვა, დაწუნებული მშენებლების მიერ, თავკიდური გახდა;

²³უფლისაგან მოხდა ეს; საოცარია ეს ჩვენს თვალში.

²⁴ეს არის დღე, რომელიც ქმნა უფალმა; ვილხინოთ და ვიმხიარულოთ მასში!

²⁵გევედრებით, უფალო, გვიშველე! გევედრებით, უფალო, გაგვიმარჯვე!

²⁶კურთხეულია უფლის სახელით მომავალი! გაკურთხებთ უფლის ტაძრიდან.

²⁷ღმერთია უფალი და გაგვინათებს ჩვენ. მიაბით მსხვერპლი საბლით სამსხვერპლოს რქებზე.

²⁸ჩემი ღმერთი ხარ შენ და გადიდებ! ღმერთო ჩემო, ხოტბას შეგასხამ შენ!

²⁹ადიდეთ უფალი, რადგან კეთილია, რადგან უკუნისამდეა წყალობა მისი!