Read სბს–სტოკჰოლმი 2001 ფსალმუნები 13 Bible Online

ფსალმუნები 13 - სბს–სტოკჰოლმი 2001 bible

ფსალმუნები 13

¹გუნდის ლოტბარს. დავითისა. თქვა უგუნურმა თავის გულში: “არ არის ღმერთი.” გაირყვნენ, სისაძაგლე ჩაიდინეს; არავინ არის კეთილის მქნელი.

²უფალმა ზეციდან გადმოხედა ადამიანთა შვილთ, რომ დაენახა, თუ არის ვინმე ჭკვათამყოფელი, ღმერთს რომ ეძიებს,

³ყველამ უარყო, ერთიანად საძულველნი გახდნენ; არ არის მქმნელი კეთილისა, ერთიც არ არის.

⁴ნუთუ ვერ შეუგნიათ უკანონობის ჩამდენთ, ჩემი ხალხის მჭამელთ, პურს რომ ჭამენ და ღმერთს არ უხმობენ?

⁵იქ შეკრთნენ შიშით, რადგან ღმერთი მართალთა თაობაშია.

⁶თქვენ დასცინეთ რჩევას საწყლისას, რაკი ღმერთია მისი მფარველი.

⁷ოჰ, რომ მოვიდოდეს სიონიდან ხსნა ისრაელზე! როცა უფალი შინ დააბრუნებს თავის ხალხს, როგორ მოილხენს იაკობი, როგორ გაიხარებს ისრაელი.