Read სბს–სტოკჰოლმი 2001 ფსალმუნები 139 Bible Online

ფსალმუნები 139 - სბს–სტოკჰოლმი 2001 bible

ფსალმუნები 139

¹გუნდის ლოტბარს. ფსალმუნი დავითისა. მიხსენი, უფალო, ბოროტი ადამიანისაგან, მოძალადე კაცისაგან დამიფარე!

²რადგან ისინი ბოროტებას ფიქრობენ გულში და ყოველდღე ემზადებიან საომრად.

³მოილესეს ენები, ვითარცა გველმა, ასპიტის შხამია მათ ბაგეებს ქვეშ.-

⁴დამიცავი, უფალო, ბოროტთა ხელიდან, მოძალადე კაცთაგან დამიფარე, რომელთაც განიზრახეს ჩემი ნაბიჯების დაბრკოლება!

⁵გამიმზადეს ამპარტავნებმა მახე და საბელი, ბადე განართხეს გზაზე, ხაფანგი დამიგეს.-

⁶ვუთხარი უფალს: “ჩემი ღმერთი ხარ შენ;” ისმინე, უფალო, ხმა ჩემი ვედრებისა!

⁷უფალო, ღმერთო ჩემო, ძალო ჩემი ხსნისა! ფარი ხარ ჩემი თავისა ბრძოლის დღეს!

⁸ნუ აღასრულებ, უფალო, ბოროტის გულისწადილს, მის ბოროტ ზრახვას ნუ მისცემ გზას, თორემ აღზევდება.

⁹თავნი ჩემთა გარემომცველთა დაფაროს მათთა ბაგეთა ბოროტებამ;

¹⁰ნაკვერჩხალი დაეფრქვეთ ზემოდან, ცეცხლში ჩაიტანოს ისინი, ღრმა ორმოში, რომ ვეღარ წამოდგნენ.

¹¹ავსიტყვა კაცი ნუ გაძლებს ქვეყანაზე, მოძალადე კაცი ბოროტებამ მოინადიროს ძირს დასაცემად.

¹²ვიცი, რომ იქმს უფალი განკითხვას გლახაკისა და სამართალს უპოვართა.

¹³ხოლო მართალნი განადიდებენ შენს სახელს, და წრფელნი დაიმკვიდრებენ წინაშე შენსა.