Read სბს–სტოკჰოლმი 2001 ფსალმუნები 19 Bible Online

ფსალმუნები 19 - სბს–სტოკჰოლმი 2001 bible

ფსალმუნები 19

¹გუნდის ლოტბარს. ფსალმუნი. დავითისა. გისმინოს შენმა უფალმა გაჭირვების დღეს, აღგამაღლოს შენ, იაკობის ღმერთის სახელმა.

²გამოგიგზავნოს შემწეობა საწმიდრიდან და სიონიდან შეგამაგროს შენ.

³გაიხსენოს ყველა შენი შესაწირავი და მსუყედ ექმნეს სრულადდასაწველი შენი.

⁴მოგცეს შენ შენი გულისამებრ და აღგისრულოს ყოველი შენი განაზრახი.

⁵ვიმხიარულებთ, რადგან გშველის; და ჩვენი ღვთის სახელით დროშას ავაფრიალებთ; ყველა შენი სათხოვარი შეგისრულოს უფალმა.

⁶ახლა მივხვდი, რომ იხსნა უფალმა ცხებული თვისი; თავისი წმიდა ზეციდან უპასუხებს მას თავისი მხსნელი მარჯვენის ძლიერებით.

⁷ზოგნი ეტლებით იქადიან და ზოგნი ცხენებით, ჩვენ კი ჩვენი ღმერთის სახელს ვიხსენებთ.

⁸ისინი მოიდრიკნენ და დაეცნენ, ჩვენ კი წამოვდექით და წელში გავიმართეთ.

⁹უფალო! იხსენი მეფე ჩვენი და გვისმინე, როდესაც შემოგღაღადებთ.