Read სბს–სტოკჰოლმი 2001 ფსალმუნები 2 Bible Online

ფსალმუნები 2 - სბს–სტოკჰოლმი 2001 bible

ფსალმუნები 2

¹რატომ ბობოქრობენ ხალხები, და ესწრაფიან ერები ამაოებას?

²ამქვეყნიური მეფეები ამხედრებულან და შეთქმულან წარჩინებულნი უფლის წინააღმდეგ, და მის ცხებულზე გალაშქრებულან:

³“დავგლეჯთ მათს სადავეებს და მოვიშორებთ მათს ხუნდებს.”

⁴მკვიდრი ზეცისა გაიცინებს, და უფალი აბუჩად აიგდებს მათ.

⁵მაშინ ეტყვის მათ თავისი რისხვით და თავისი გულისწყრომით შეაძრწუნებს:

⁶“მე ვაკურთხე მეფე ჩემი სიონზე - ჩემს წმიდა მთაზე.”

⁷გიამბობ უფლის კანონმდებლობას: უფალმა მითხრა: “ძე ხარ ჩემი, დღეს გშობე შენ;

⁸მთხოვე და მოგცემ ხალხებს სამკვიდროდ, ხოლო ქვეყნის კიდეებს - სამკვიდრებლად,

⁹შენ დალეწავ მათ რკინის კვერთხით, მეთუნის ჭურჭელივით დაამსხვრევ.”

¹⁰ახლა კი გონს მოდით, მეფენო! განისწავლენით, ქვეყნის მსაჯულნო!

¹¹ემსახურეთ უფალს შიშით და შეჰღაღადეთ თრთოლვით.

¹²ეამბორეთ ძეს, რომ არ განრისხდეს იგი და არ დაიღუპოთ გზაში, რადგან მალე აღიგზნება რისხვა მისი. ნეტარ არს ყველა, ვინც მასზეა მინდობილი.