Read სბს–სტოკჰოლმი 2001 ფსალმუნები 23 Bible Online

ფსალმუნები 23 - სბს–სტოკჰოლმი 2001 bible

ფსალმუნები 23

¹ფსალმუნი. დავითისა. უფლისა არის ქვეყნიერება და სავსება მისი, სამყარო და მისი მკვიდრნი.

²რადგან ზღვებზე დააფუძნა მან იგი, და მდინარეებზე მოაწყო იგი.

³ვინ ავა უფლის მთაზე? ან ვინ დადგება მის წმიდა ადგილზე?

⁴ვისაც ხელები სუფთა აქვს და გული სპეტაკი, ვინც მიუღწეველს არ წაპოტინებია და ყალბად არ დაუფიცავს,

⁵ის მიიღებს კურთხევას უფლისაგან და წყალობას თავისი მხსნელი ღმერთისაგან.

⁶ეს არის თაობა მის მაძიებელთა, ვინც ეძიებს შენი სახის ხილვას, ღმერთო იაკობისა!

⁷მაღლა ასწიეთ, კარიბჭეებო, თავები, აიწიეთ, მარადიულნო კარნო, რომ შემოვიდეს მეფე დიდებისა!

⁸ვინ არის ეს მეფე დიდებისა? უფალი - მტკიცე და ძლიერი, უფალი - ომში ძლევამოსილი.

⁹მაღლა ასწიეთ, კარიბჭეებო, თავები თქვენი, და აიწიეთ, კარნო მარადნო, რომ შემოვიდეს მეფე დიდებისა!

¹⁰ვინ არის მეფე დიდებისა? უფალი ძალთა, ის არის მეფე დიდებისა.