Read სბს–სტოკჰოლმი 2001 ფსალმუნები 29 Bible Online

ფსალმუნები 29 - სბს–სტოკჰოლმი 2001 bible

ფსალმუნები 29

¹ფსალმუნი. ქება ტაძრის განახლებისა. დავითისა. განგადიდებ შენ, უფალო, რადგან მიხსენი და ჩემზე მტრები არ გაახარე.

²უფალო, ღმერთო ჩემო, მოგიხმე და შენ განმკურნე მე.

³უფალო, შენ ამოიყვანე სული ჩემი ჯოჯოხეთიდან, და გამაცოცხლე, რომ საფლავში არ ჩავსულიყავ.

⁴უგალობეთ უფალს, მისო წმიდებო, ადიდეთ ხსენება მისი სიწმიდისა.

⁵რადგან წამიერია რისხვა მისი, ხოლო სიცოცხლე - მისი სურვილით; ღამით გლოვა დაისადგურებს და ცისკრის ჟამს მხიარულება.

⁶და მე ვთქვი ჩემი ნეტარების ჟამს: “არ დავეცემი უკუნისამდე.”

⁷შენი სურვილით, უფალო, გადაარჩინე ჩემი მთა; დაფარე შენი სახე და - შევძრწუნდი.

⁸შენ მოგიხმობ, უფალო, და ჩემს ბატონს შევევედრები:

⁹“რა სარგებლობა იქნება ჩემს სისხლში, როდესაც საფლავში ჩავალ? განა მტვერი შეგასხამს ხოტბას? განა შენს ჭეშმარიტებას განაცხადებს?

¹⁰უფალო, მომისმინე და შემიწყალე, იყავი შემწე ჩემი.”

¹¹შენ ჩემი წუხილი როკვად მიქციე, ძაძა გამხადე და სიხარულით შემმოსე.

¹²ამისათვის გიგალობებს სული ჩემი და არ დადუმდება. უფალო, ღმერთო ჩემო, შენ გადიდებ უკუნისამდე!