Read სბს–სტოკჰოლმი 2001 ფსალმუნები 3 Bible Online

ფსალმუნები 3 - სბს–სტოკჰოლმი 2001 bible

ფსალმუნები 3

¹ფსალმუნი დავითისა. როცა გაურბოდა აბესალომს, თავის ძეს. უფალო! როგორ მომრავლდნენ ჩემი მტრები. ჩემს წინააღმდეგ აღდგა მრავალი.

²ბევრი ეუბნება ჩემს სულს: “არ არის მისთვის შემწეობა ღმერთისმიერი.”

³და შენ, უფალო, ჩემი ფარი ხარ, ჩემი დიდება და ამმაღლებელი ჩემი თავისა.

⁴ჩემი ხმით მოვუხმობ უფალს და ის მიპასუხებს თავის წმიდა მთიდან.

⁵ვწვები, ვიძინებ და ვიღვიძებ, რადგან უფალი შემწეა ჩემი.

⁶ვერ შემაშინებს სიმრავლე ხალხის, გარს რომ მერტყმიან ყოველი მხრიდან.

⁷აღსდეგ, უფალო, მიხსენი, ჩემო ღმერთო, რადგან შენ ულეწავ ყბებს ყველა ჩემს მტერს, ბოროტეულებს უმუსრავ კბილებს.

⁸უფლისაგან არის ხსნა. და შენი კურთხევა შენს ერზე.