Read სბს–სტოკჰოლმი 2001 ფსალმუნები 31 Bible Online

ფსალმუნები 31 - სბს–სტოკჰოლმი 2001 bible

ფსალმუნები 31

¹მოძღვრება. დავითისა. ნეტარია, ვისაც ეპატია დანაშაული, ვისი ცოდვებიც დაიფარა.

²ნეტარია კაცი, ვისაც უფალი ცოდვას არ ჩაუთვლის, და ვის სულშიც არ არის სიყალბე.

³როდესაც ვდუმდი გაცვითა ჩემი ძვლები ყოველდღიურმა გოდებამ ჩემმა.

⁴რადგან დღისით და ღამით მძიმდებოდა შენი ხელი ჩემზე, სინედლე ჩემი შეიცვალა ზაფხულის გვალვით.

⁵ცოდვა ჩემი გაუწყე, და ბრალი ჩემი არ დამიმალავს. ვთქვი: “ვაღიარებ ჩემს ცოდვებს უფლის წინაშე.” და შენ მომიტევე დანაშაული ჩემი ცოდვისა.

⁶ამიტომ ილოცავს შენს მიმართ ყველა წმიდა შეწყნარების ჟამს; თუნდ იყოს წარღვნა წყალთა მრავალთა. ვერ მისწვდება მას.

⁷შენ ხარ ჩემი მფარველი, გაჭირვებისაგან მიცავ, ხსნის სიხარული შემომარტყი გარს.

⁸“გასწავლი შენ და დაგაყენებ სწორ გზაზე, რომლითაც ივლი, თვალს დავიჭერ შენზე.”

⁹ნუ იქნებით, ვითარცა ცხენი, ვითარცა ჯორი, უგუნური. ლაგამი და აღვირია მისი მოსართავი შესაკავებლად, რომ შენ არ მოგიახლოვდეს.

¹⁰მრავალი სატკივარი აქვს ბოროტს, უფალზე მინდობილი კი წყალობით არის გარემოცული.

¹¹იხარეთ უფლის მიერ და იმხიარულეთ, წმიდანებო; და იზეიმეთ, გულით მართლებო.