Read სბს–სტოკჰოლმი 2001 ფსალმუნები 47 Bible Online

ფსალმუნები 47 - სბს–სტოკჰოლმი 2001 bible

ფსალმუნები 47

¹გალობა; ფსალმუნი. კორახის ძეთა. დიდია უფალი და ქებულია მეტად ჩვენი ღმერთის ქალაქში, თავის წმიდა მთაზე.

²ლამაზად მაღლდება მთა სიონისა, სიხარული მთელი ქვეყნიერებისა ჩრდილოეთ მხარეს ქალაქია დიდი მეფისა.

³ღმერთი თავის ტაძარში ცნობილია, ვითარცა სიმაგრე.

⁴რადგან აგერ, შეიკრიბნენ მეფენი და განვლეს ერთად.

⁵ნახეს მათ და განცვიფრდნენ, შეძრწუნდნენ და გაეჩქარნენ.

⁶ძრწოლამ შეიპყრო ისინი, იკლაკნებიან მშობიარესვაით.

⁷აღმოსავლეთის ქარით შემუსრე შენ თარშიშის ხომალდები.

⁸როგორც ვისმინეთ, ისე ვიხილეთ ძალთა უფლის ქალაქში, ჩვენი ღმერთის ქალაქში. ღმერთი დააფუძნებს მას უკუნისამდე.

⁹ვფიქრობდით, ღმერთო, შენს წყალობაზე შენი ტაძრის შუაგულში.

¹⁰ვითარცა სახელი შენი, ღმერთო, შენი დიდებაც დედამიწის კიდით-კიდემდეა; სიმართლით სავსეა შენი მარჯვენა.

¹¹დაე იხაროს სიონის მთამ, იმხიარულონ იუდაელმა ქალწულებმა შენი სიმართლის გამო.

¹²ყოველი მხრიდან მიადექით და გარს შემოუარეთ სიონს; დათვალეთ მისი კოშკები.

¹³გული მიაპყარით მის სიმაგრეებს; დაიარეთ მისი დარბაზები, რათა უამბოთ მომავალ თაობას.

¹⁴რადგან ის არის ღმერთი, ჩვენი ღმერთი უკუნითი უკუნისამდე; ის წაგვიძღვება ჩვენ სამარის კარამდე.