Read სბს–სტოკჰოლმი 2001 ფსალმუნები 51 Bible Online

ფსალმუნები 51 - სბს–სტოკჰოლმი 2001 bible

ფსალმუნები 51

¹გუნდის ლოტბარს. მოძღვრება დავითისა. როცა მოვიდა დოეგ ედომელი და გააგებინა საულს და უთხრა, რომ მივიდა დავითი ახიმელექის სახლში. რას ტრაბახობ ბოროტებით, ძლიერო? ღმერთის წყალობა საყოველთაოა.

²სიცრუეს იზრახავს შენი ენა; როგორც გალესილი სამართებელი, მქმნელია სიყალბისა.

³გიყვარს ბოროტება სიკეთეზე მეტად. სიცრუე მეტად, ვიდრე სიმართლის თქმა;

⁴გიყვარს ყოველგვარი ცილისწამება, ენა მზაკვარო!

⁵ამიტომ მოგთხრის ღმერთი სამუდამოდ, გაგანადგურებს, გაგაძევებს კარვიდან და შენს ფესვს ამოძირკვავს ცოცხალთა ქვეყნიდან.

⁶ნახავენ მართალნი და შეშინდებიან, და გაიცინებენ მასზე:

⁷“აგერ კაცი, რომელმაც ღმერთი არ მიიჩნია თავის სიმაგრედ, არამედ თავისი დიდი სიმდიდრის იმედი ჰქონდა და თავის ბოროტებაში გამაგრდა.”

⁸ხოლო მე, ვითარცა ამწვანებული ზეთისხილის ხე ღმერთის სახლში, მე ღმერთის წყალობაზე ვარ მინდობილი უკუნითი უკუნისამდე.

⁹გადიდებ მუდამ შენი ნამოქმედარისთვის, და მივენდობი შენს სახელს, რადგან ის ასე კარგია, შენს წმიდათა წინაშე.