Read სბს–სტოკჰოლმი 2001 ფსალმუნები 54 Bible Online

ფსალმუნები 54 - სბს–სტოკჰოლმი 2001 bible

ფსალმუნები 54

¹გუნდის ლოტბარს. სიმებიან საკრავზე. მოძღვრება დავითისა. ისმინე, ღმერთო, ჩემი ლოცვა და ნუ განუდგები ჩემს ვედრებას.

²ყური მომაპყარ და მიპასუხე; ავტირდები ჩემს საუბარში და ავღაღადდები.

³მტრის ხმისაგან, ბოროტის მიერ შევიწროებისაგან; რადგან თავს მახვევენ სიმრუდეს და სიძულვილით მირისხდებიან.

⁴ჩემი გული თრთის ჩემს შიგნით და სიკვდილის საშინელება დამატყდა თავს.

⁵შიში და ძრწოლა მოდის ჩემზე და შიშის ზარი მიპყრობს.

⁶და ვამბობ: “რომ მქონოდა მტრედის ფრთები, გავფრინდებოდი და დავბინავდებოდი;

⁷აჰა, შორს გადავიხვეწებოდი, უდაბნოში დავიდებდი ბინას;

⁸ავჩქარდებოდი რომ მომენახა თავშესაფარი ძლიერი ქარისაგან.”

⁹მოსპე, უფალო, დაყავი მათი ენები; რადგანაც ვხედავ ძალადობას და შუღლს ქალაქში.

¹⁰დღედაღამ გარსუვლიან მის კედლებს, სიმრუდე და წვალებაა მის შიგნით,

¹¹ბოროტებაა მის შიგნით და არ სცილდება მის ქუჩებს სიცრუე და ვერაგობა.

¹²რადგან ვინც მე მლანძღავს ჩემი მტერი არ არის - იმას ავიტანდი -; ჩემი მოძულე კი არ განდიდებულა ჩემზე - მას დავემალებოდი;

¹³მაგრამ შენ შენა ხარ ის, კაცი ჩემი სწორი, ამხანაგი და მეგობარი ჩემი.

¹⁴ერთად რომ ვსაუბრობდით ტკბილად, ღვთის სახლში დავდიოდით ბრბოს შორის.

¹⁵დაატყდეს მათ სიკვდილი, ცოცხლად ჩავიდნენ ჯოჯოხეთში, რადგან ბოროტებაა მათს სადგომში, მათს გულში.

¹⁶ხოლო მე მოვუხმობ ღმერთს, და უფალი მიშველის.

¹⁷საღამოთი, დილით და შუადღისას შევევედრები და შევტირებ და მოისმენს ჩემს ხმას.

¹⁸მან მშვიდობიანად დაიხსნა ჩემი სული მათგან, მე რომ მებრძოდნენ, რადგან ბევრნი იყვნენ ჩემზე აღმდგარნი.

¹⁹მოისმენს ღმერთი და უპასუხებს მათ დასაბამიდან მყოფი ... რადგან არ არის ცვლილება მათში და არ ეშინიათ ღმერთისა.

²⁰ხელი გაიწოდეს მათთვის მშვიდობის მსურველთა წინააღმდეგ, დაარღვიეს მისი აღთქმა.

²¹ცხიმზე ჩვილია მათი ბაგეები, გულში კი ომი აქვთ; ზეთზე რბილია მათი სიტყვები, მაგრამ ისინი გაშიშვლებული ხმლებია.

²²მიანდე უფალს შენი საზრუნავი და ის შეგეხიდება, იგი არასოდეს არ დაუშვებს წმიდის წაბორძიკებას.

²³ღმერთო, შენ ჩაგყავს ისინი ჯოჯოხეთში; სისხლის მოყვარულნი და ვერაგნი ნუ მიაღწევენ თავიანთ დღეთა ნახევარს; ხოლო მე შენ გესავ.