Read სბს–სტოკჰოლმი 2001 ფსალმუნები 59 Bible Online

ფსალმუნები 59 - სბს–სტოკჰოლმი 2001 bible

ფსალმუნები 59

¹გუნდის ლოტბარს. შუშან ყედუთზე. დავითის ძეგლისწერა; შესწავლისათვის. როდესაც ეომებოდა შუამდინარეთის არამს და ცობის არამს, და დაუბრუნდა იოაბი და გაანადგურა თორმეტი ათასი ედომელი მარილოვან ველზე. ღმერთო, რომელმაც მიგვატოვე და გაგვაპარტახე შენი რისხვით, კვლავ აღგვადგინე.

²რომელმაც შეაზანზარე მიწა, შუა გაჰკვეთე, განკურნე მისი ნამსხვრევები, რადგან მოირყა.

³აჩვენე შენს ერს სიძნელე, გვასვი ჩვენ ღვინო საწამლავგარეული.

⁴მიეცი შენს მოშიშთ დროშა, ჭეშმარიტებას რომ აუფრიალონ.

⁵რათა გადარჩნენ, ვინც შენ გიყვარს, გვიხსენი შენი მარჯვენით და გვიპასუხე.

⁶ღმერთმა თქვა თავის საწმიდარში: “ვიზეიმებ! დავყოფ შექემს, და სუქოთის დაბლობს მივუზომავ.

⁷ჩემია გილყადი და ჩემია მენაშე, ეფრემი სიმაგრეა ჩემი თავის, იუდა - კვერთხი ჩემი;

⁸მოაბი ჩემი საბანელია, ედომს დავაღირებ ჩემს ხამლს; ჩემს წინაშე, ფილისტიმო, განადგურდები.”

⁹ვინ შემიძღვება გამაგრებულ ქალაქში? ვინ შემიყვანს ედომში?

¹⁰თუ არა შენ, ღმერთო, რომელმაც მიგვატოვე? თუ არ გინდა, რომ გამოხვიდე, ღმერთო, ჩვენს მხედრობასთან.

¹¹მოგვამდლე შველა გაჭირვებაში, რადგან ამაოა ხსნა ადამიანისაგან.

¹²ღმერთთან შევქმნით ჩვენ ლაშქარს, და ღმერთი დაამხობს ჩვენს მტრებს.