Read სბს–სტოკჰოლმი 2001 ფსალმუნები 63 Bible Online

ფსალმუნები 63 - სბს–სტოკჰოლმი 2001 bible

ფსალმუნები 63

¹გუნდის ლოტბარს. ფსალმუნი დავითისა. ისმინე, ღმერთო, ჩემი ხმა, როცა ვლოცულობ; მტრის შიშისაგან დაიცავი ჩემი სიცოცხლე.

²დამიფარე ვერაგთა საიდუმლო ზრახვათაგან, სიმრუდის მოქმედთა ამბოხისაგან.

³რომელთაც ენა მახვილივით გაილესეს, მოზიდეს თავიანთი მშვილდი - მწარე სიტყვა,

⁴რათა საფრიდან ესროლონ უდანაშაულოს; მოულოდნელად ესვრიან და არ ეშინიათ.

⁵ძალას მოიკრებენ ცუდი საქმისათვის, მოითათბირებენ მახეების დაგებას, ამბობენ: “ვინ შეამჩნევს მათ?”

⁶სიმრუდეს ფიქრობენ: “ჩვენ მზადა ვართ, საიდუმლოდ დავიცავთ ჩვენს გეგმას”. ხოლო შიგანი კაცისა და გული ღრმაა.

⁷და ესვრის ღმერთი ისარს, უეცრად დაწყლულდებიან.

⁸საკუთარი ენა დაამარცხებს მათ; გაიფანტება ყოველი მათი მხილველი.

⁹და შეშინდება ყველა კაცი და ილაპარაკებენ ღმერთის ნამოქმედარზე, და მის ნაქნარს ჩაუკვირდებიან.

¹⁰გაიხარებს მართალი უფალში და მიენდობა მას, და დაიქადებენ გულმართლები.