Read სბს–სტოკჰოლმი 2001 ფსალმუნები 64 Bible Online

ფსალმუნები 64 - სბს–სტოკჰოლმი 2001 bible

ფსალმუნები 64

¹გუნდის ლოტბარს. ფსალმუნი დავითისა. გალობა. შენ შეგშვენის ხოტბა, ღმერთო, სიონზე, და შენ აღგისრულებენ აღთქმას.

²შენ შეისმენ ლოცვას, ამიტომ შენთან მოვა ყველა ხორციელი.

³ჩადენილმა ცოდვებმა დამჯაბნეს მე; ჩვენს დანაშაულს შენ შეგვინდობ.

⁴ნეტარ არს, ვისაც ამოირჩევ და დაიახლოვებ, რომ იცხოვროს შენს ეზოში; გავძღებით სიკეთით შენი სახლისა, შენი წმიდა ტაძრისა.

⁵საშინელებებით სამართლიანად გვპასუხობ, ღმერთო, ჩვენო მხსნელო, სასოებავ დედამიწის ყველა კუთხისა და შორეული ზღვის მცხოვრებთა;

⁶რომელმაც განამზადა მთები თავისი ძალით, გარემოსილია ძლიერებით;

⁷რომელიც აწყნარებს ზღვათა ხმაურს, მათი ტალღების ხმაურს და ერების მღელვარებას.

⁸და შეაშინებს კიდეთა მცხოვრებთ შენი სასწაულები, აღმოსავლეთსა და დასავლეთს გაამხიარულებ.

⁹კეთილად გაიხსენე ქვეყანა და მორწყე, დიდად გაამდიდრე იგი;- ნაკადი ღმერთისა სავსეა წყლით; მოამზადე მათი პური, რადგან ასე წარმართე იგი.

¹⁰მის კვლებს არწყულებ, ასწორებ მის ბელტებს, ჟუჟუნა წვიმით ალბობ, მის აღმონაცენს აკურთხებ.

¹¹აკურთხე წელიწადის გვირგვინი შენი სიკეთით, და შენი ნაკვალევიდან წვეთავს პოხიერება.

¹²წვეთავენ უდაბნოს საძოვრები, და ქედები ლხინით შეიმოსებიან.

¹³საძოვრები ცხვრით აჭრელდებიან და დაბლობები მარცვლით დაიფარებიან; იღაღადებენ და იმღერებენ.