Read სბს–სტოკჰოლმი 2001 ფსალმუნები 65 Bible Online

ფსალმუნები 65 - სბს–სტოკჰოლმი 2001 bible

ფსალმუნები 65

¹გუნდის ლოტბარს. გალობა ფსალმუნისა. შეჰღაღადეთ ღმერთს, მთელო ქვეყნიერებავ!

²უგალობეთ მისი სახელის ღირსებას, პატივი ეცით მის დიდებულებას.

³უთხარით ღმერთს: “რა საოცარია შენი საქმენი, შენი ძალის სიდიადით ქვეშ გაგეგებიან შენი მტრები.

⁴მთელი ქვეყნიერება თაყვანსა გცემს და გაქებს შენ, უგალობებს შენს სახელს!”

⁵მოდით, ნახეთ ღმერთის ნამოქმედარი, შიშის მომგვრელია მისი მოქმედება ადამიანის შვილებზე.

⁶გადააქცია ზღვა ხმელეთად; მდინარე ფეხით გადალახეს; იქ გავიხარეთ მის გამო.

⁷გაბატონებულია თავისი ძალით საუკუნოდ, მისი თვალები ჭვრეტენ ერებს, ვინც ეურჩება, არ ამაღლდება.

⁸ადიდეთ, ხალხებო, ღმერთი ჩვენი და აღასმინეთ ხმა მისი ქებისა,

⁹ვინც შეუნარჩუნა ჩვენს სულს სიცოცხლე და ჩვენი ფეხი არ წაგვიბორძიკა.

¹⁰რადგან გამოგვცადე ჩვენ, ღმერთო, გადაგვადნე, როგორც ვერცხლს გადაადნობენ.

¹¹მოგვაქციე ბადეში, ჩაგვრის ტვირთი აგვკიდე ზურგზე.

¹²კაცი დაგვასვი თავზე; შევედით ცეცხლსა და წყალში, მაგრამ შენ გაგვიხალვათე.

¹³მოვალ შენს სახლში აღსავლენით, აღგისრულებ ჩემს აღთქმებს,

¹⁴რომლებიც წარმოთქვეს ჩემმა ბაგეებმა, და დაილაპარაკა ჩემმა პირმა ჩემი გაჭირვების ჟამს.

¹⁵მსუქან სრულადდასაწველს ამოგიტან საკმევლითურთ და ვერძებითურთ, შემოგწირავ მოზვრებს და ვაცებს.

¹⁶მოდით, მოისმინეთ ყველამ, ვისაც ღმერთის შიში გაქვთ და გიამბობთ, რა გააკეთა ჩემი სულისთვის.

¹⁷მას მოვუხმობდი ჩემი ბაგეებით, და აღვამაღლე იგი ჩემი ენით.

¹⁸სიმრუდე რომ შემემჩნია ჩემს გულში, არ მომისმენდა უფალი.

¹⁹ამიტომ მომისმინა ღმერთმა, ყური მოაპყრო ჩემი ლოცვის ხმას.

²⁰კურთხეულ არს უფალი, რომ არ უარყო ჩემი ლოცვა და არ მომაკლო თავისი წყალობა.