Read სბს–სტოკჰოლმი 2001 ფსალმუნები 74 Bible Online

ფსალმუნები 74 - სბს–სტოკჰოლმი 2001 bible

ფსალმუნები 74

¹გუნდის ლოტბარს. “ნუ მოსპობ”. ფსალმუნი ასაფისა. გალობა. გადიდებთ შენ, ღმერთო, გადიდებთ, ახლოსაა შენი სახელი. ლაპარაკობენ შენს საოცრებებს.

²“როცა გამოვნახავ დროს, გავასამართლებ სისწორით.

³ირყეოდნენ დედამიწა და მისი მცხოვრებნი:- მე გავამაგრე მისი სვეტები.”

⁴ვუთხარი ამპარტავნებს: ‘ნუ იამპარტავნებთ!’ და ბოროტეულებს: ‘ნუ მოიმაღლებთ თქვენს რქას.

⁵ნუ მოიმაღლებთ თქვენს რქას, ნუ ილაპარაკებთ ამპარტავნული ქედით.”

⁶რადგან არც აღმოსავლეთიდან და არც დასავლეთიდან, და არც უდაბნოდან არის აღვსება კაცისა.

⁷არამედ ღმერთი მსაჯული, რომელიც ერთს დაამდაბლებს და მეორეს აღამაღლებს.

⁸რადგან უფლის ხელშია თასი და ღვინო დუღს ნარევით სავსე, და ასხამს იქიდან, მის თხლესაც კი სწურავენ, და სვამენ ყოველნი ბოროტნი ქვეყნისა.

⁹ხოლო მე მარადის ვაუწყებ, ვუგალობებ იაკობის ღმერთს.

¹⁰ბოროტთა რქებს ერთიანად შევმუსრავ, მართლის რქები კი უნდა ამაღლდეს!