Read სბს–სტოკჰოლმი 2001 ფსალმუნები 80 Bible Online

ფსალმუნები 80 - სბს–სტოკჰოლმი 2001 bible

ფსალმუნები 80

¹გუნდის ლოტბარს, გითითის ხმაზე. ასაფისა. უგალობეთ ღმერთს, სიმაგრეს ჩვენსას; შეჰღაღადეთ იაკობის ღმერთს!

²ასწიეთ სიმღერა და დაუკარით დაირა, ტკბილხმიანი ქნარი ებანთან ერთად.

³ჩაჰბერეთ ახალმთვარობაზე ბუკს, სრულმთვარობაზე, ჩვენი დღესასწაულის დღეს.

⁴რადგან ეს არის კვალი ისრაელისა, სამართალი იაკობის ღმერთისა.

⁵ეს დაადგინა მან მოწმობად იოსებისათვის, როცა გამოვიდა ეგვიპტის ქვეყნიდან;

⁶ენა, რომელიც არ ვიცოდი, ვისმინე: “მოვხსენი ტვირთი მხრებიდან, მისი ხელები აღარ დაათრევენ გოდორს.

⁷გაჭირვებაში მომიხმე და გადაგარჩინე, გპასუხობდი იდუმალებით სავსე ქუხილის ხმით, გამოგცადე მერიბას წყლებზე.

⁸ისმინე, ჩემო ერო, და დაგიმოწმებ მე, ისრაელო, თუ მომისმენ.

⁹არ იყოს შენში სხვა ღმერთი და თაყვანი არ სცე უცხო ღმერთს.

¹⁰მე ვარ უფალი, ღმერთი შენი, შენი გამომყვანი ეგვიპტის ქვეყნიდან; განავრცე პირი შენი და გავავსებ მას.

¹¹არ ისმინა ჩემმა ერმა ხმა ჩემი, და ისრაელი არ დამემორჩილა.

¹²და მივუშვი ისინი თავიანთ გულისწადილზე, იარონ თავიანთ ნებაზე.

¹³ჩემს ერს რომ ჩემი ესმინა და ისრაელს ჩემს გზაზე ევლო,

¹⁴მოკლე ხანში მოვდრეკდი მათს მტრებს და მათს მჩაგვრელებზე ხელს აღვმართავდი.

¹⁵უფლის მოძულენი ლიქნას დაუწყებდნენ; და მათი ჟამი იქნებოდა სამარადისო.

¹⁶გამოვკვებავდი მათ ნოყიერი ხორბლით და კლდის თაფლით გავაძღებდი.”