Read სბს–სტოკჰოლმი 2001 ფსალმუნები 83 Bible Online

ფსალმუნები 83 - სბს–სტოკჰოლმი 2001 bible

ფსალმუნები 83

¹გუნდის ლოტბარს. გათითის ხმაზე. კორახის ძეთა. ფსალმუნი. რაოდენ სასურველია შენი სადგომები, უფალო ძალთა!

²ნატრობს და ელტვის კიდეც ჩემი სული უფლის ეზოებს; გული ჩემი და სხეული ჩემი უმღერიან ცოცხალ ღმერთს.

³ჩიტმაც კი ჰპოვა ბინა და მერცხალმა ბუდე თავისთვის, რომ ჩასხას თავისი ბარტყები შენს სამსხვერპლოებთან, უფალო ძალთა, მეუფევ ჩემო და ღმერთო ჩემო!

⁴ნეტარ არიან შენს სახლში მსხდომნი, რომლებიც მარადჟამს განგადიდებენ.

⁵ნეტარ არს კაცი, რომლის ძლიერებაც შენშია, რომელთაც გული შენი საწმიდარისკენ მოუწევთ.

⁶გლოვის ველზე გამვლელნი წყაროს აღმოაჩენენ, და კურთხევით დაფარავს მათ ადრეული წვიმები შემოდგომისა.

⁷ივლიან ძალით-ძალამდე, გამოცხადდებიან ღმერთთან სიონში.

⁸უფალო, ღმერთო ძალთა, ისმინე ჩემი ლოცვა, ყური მომაპყარ, ღმერთო იაკობისა.

⁹ჩვენო ფარო, დაინახე, ღმერთო, და შეხედე სახეში შენს ცხებულს!

¹⁰რადგან ერთი დღე შენს ეზოებში ათასჯერ უმჯობესია; ჩემი ღმერთის სახლის ზღურბლთან დგომას ვარჩევ ბოროტების კარვებში ბინადრობას.

¹¹რადგან მზე და ფარია უფალი ღმერთი. მადლსა და ღირსებას მისცემს უფალი, სიკეთეს არ დაუჭერს უბიწოდ მოარულთ.

¹²უფალო ძალთა! ნეტარია კაცი შენზე მონდობილი.