Read სბს–სტოკჰოლმი 2001 ფსალმუნები 96 Bible Online

ფსალმუნები 96 - სბს–სტოკჰოლმი 2001 bible

ფსალმუნები 96

¹უფალი მეფობს; ილხინოს ქვეყნიერებამ, გაიხარონ უამრავმა კუნძულებმა!

²ღრუბელი და ნისლია მის ირგვლივ, სიმართლითა და განსჯით არის წარმართული მისი ტახტი.

³ცეცხლი იარება მის წინაშე და ედება ირგვლივ მის მტრებს.

⁴გაანათებენ მისი ელვები სამყაროს; ნახავს და შეშინდება ქვეყანა.

⁵მთები ცვილივით დადნებიან უფლის წინაშე, მთელი ქვეყნიერების უფლის წინაშე.

⁶ცანი ღაღადებენ მის სიმართლეს, და ყველა ხალხმა იხილა დიდება მისი.

⁷შერცხვება ყველა, ვინც ქანდაკებას ემსახურება, ვინც ტრაბახობს კერპებით; მუხლი მოიდრიკეთ მის წინაშე ვითომ-ღმერთებო.

⁸მოისმენს და გაიხარებს სიონი, და ილხენენ იუდას ასულები, შენთა სამართალთათვის, უფალო!

⁹რადგან შენ, უფალო, უმაღლესი ხარ მთელს ქვეყნიერებაზე, მეტისმეტად აღზევებული ყველა ღმერთებზე.

¹⁰უფლის მოყვარულნო, შეიძულეთ ბოროტება! ის იცავს მის წმიდათა სულებს, ბოროტთა ხელიდან იხსნის მათ.

¹¹შუქი იღვრება მართალთათვის და გულით წრფელთათვის - მხიარულება.

¹²იმხიარულეთ, მართალნო, უფლის მიმართ და ადიდეთ მისი წმიდა ტაძრის სახსენებელი.