Read სბს–სტოკჰოლმი 2001 ეკლესიასტე 11 Bible Online

ეკლესიასტე 11 - სბს–სტოკჰოლმი 2001 bible

ეკლესიასტე 11

¹გაატანე შენი პური წყალს, რადგან მრავალი დღის შემდეგ ჰპოვებ მას.

²მიეცი ნაწილი შვიდსა და რვასაც, რადგან არ იცი, რა უბედურება მოხდება ქვეყანაზე.

³როდესაც ღრუბლები ივსებიან, წვიმას ღვრიან მიწაზე. თუ ხე ვარდება მიწაზე, სამხრეთით იქნება თუ ჩრდილოეთით, სადაც დაეცემა, იქვე დარჩება.

⁴ქარის მომზირალი ვერ დათესავს და ღრუბლების დამკვირვებელი ვერ მოიმკის.

⁵როგორც არ იცი ქარის გზა და როგორ წარმოიქმნება ძვალნი ორსულის მუცელში, ისე ვერ შეიცნობ საქმეს ღვთისას, რომელიც ყოველივეს იქმს.

⁶დილით დათესე შენი თესლი და საღამოს ნუ დაასვენებ შენს ხელს, რადგან არ იცი, რომელი მიაღწევს წარმატებას: ეს თუ ის, თუ ორივე თანაბრად კარგია.

⁷ტკბილია სინათლე და სასიკეთოა თვალისათვის მზის ხილვა.

⁸თუნდაც მრავალ წელს იცოცხლოს ადამიანმა, გაიხაროს ყოველი წლით და ახსოვდეს სიბნელის დღენი, რადგან მრავალი იქნება. და ყველაფერი, რაც მოვა, ამაოება იქნება.

⁹გაიხარე, ჭაბუკო, შენს ბავშვობაში და გაგამხიარულოს შენ გულმა შენმა ჭაბუკობის დღეებში. და იარე შენი გულის გზების მიხედვით და შენს თვალთა ხედვით. მაგრამ იცოდე, რომ ყოველივე ამის გამო ღმერთი მიგიყვანს სამსჯავროზე.

¹⁰მოიშორე მწუხარება შენი გულიდან და მოიცილე ცუდი შენი ხორციდან, რადგან ბავშვობა და სიჭაბუკე ამაოებაა.