Read სბს–სტოკჰოლმი 2001 ესაია 24 Bible Online

ესაია 24 - სბს–სტოკჰოლმი 2001 bible

ესაია 24

¹აჰა, უფალი აუკაცრიელებს ქვეყანას და აოხრებს მას, ასხვაფერებს მის სახეს და ფანტავს მის მცხოვრებთ.

²და ერთი იქნება ერი და მღვდელი, მონა და მისი ბატონი, მხევალი და მისი ქალბატონი, მყიდველი და გამყიდველი, გამსესხებელი და მსესხებელი, მევახშე და მოვალე.

³გაუკაცრიელდება ქვეყანა და გაიძარცვება, რადგან უფალმა წარმოთქვა ეს სიტყვა.

⁴გლოვობს, მიილია ქვეყანა, სასოწარკვეთილებაში მიილია ქვეყანა, დაუძლურდნენ დიდებულნი ქვეყნის ერისა.

⁵ქვეყანა შეიბილწა მისი მცხოვრებლების მიერ, რადგან გადავიდნენ რჯულს, შეცვალეს წესი, დაარღვიეს საუკუნო აღთქმა.

⁶ამის გამო წყევლამ შეჭამა ქვეყანა და დაისაჯნენ მისი მცხოვრებნი; ამის გამო გადაიბუგნენ ქვეყნის მცხოვრებნი და სულ ცოტა დარჩა ხალხი.

⁷მაჭარი გლოვობს, გახმა ვაზი, ოხრავს ყველა გულით მხიარული,

⁸შეწყდა დაფდაფების ლხინი, მიწყდა მოლხინეთა ჟრიამული, შეწყდა ქნარის სიხარული.

⁹სიმღერით აღარ შესვამ ღვინოს, გაუმწარდებათ სასმელი მის მსმელებს.

¹⁰დაილეწა უკაცური ქალაქი, დაიკეტა ყველა სახლის მისასვლელი.

¹¹ღრიალია ქუჩებში ღვინის გამო, ჩაჟამდა ყველა მხიარულება, განიდევნა ქვეყნიდან სიხარული.

¹²უდაბურება დარჩა ქალაქში და ნანგრევებად იქცა კარიბჭე.

¹³რადგან ასე მოხდება ქვეყნის შუაგულში, ხალხებს შორის, როგორც ზეთისხილის ჩამობერტყვისას, როგორც დაკრეფის შემდეგ, როდესაც დამთავრდა მოსავლის აღება.

¹⁴ისინი აამაღლებენ თავიანთ ხმას, იმღერებენ უფლის დიდებაზე, ხმამაღლა იყვირებენ ზღვიდან.

¹⁵ამის გამო აღმოსავლეთში ადიდეთ უფალი, ზღვის კუნძულებზე - სახელი უფლისა, ისრაელის ღმერთისა.

¹⁶ქვეყნის კიდიდან ვისმინეთ ჩვენ სიმღერა: “დიდება მართალს!” და ვთქვი მე: ვაი მე, ვაი მე, ვაგლახ მე! მოღალატენი ღალატობენ, და ღალატით ღალატობენ მოღალატენი.”

¹⁷შიში, ორმო და მახეა შენთვის, ქვეყნის მკვიდრო!

¹⁸და იქნება: შიშის ხმას გაქცეული ორმოში ჩავარდება, და ორმოდან ამოსული მახეში გაებმება; რადგან ცის სიმაღლიდან გაიხსნა სარკმლები და ქვეყნის საფუძვლები შეირყა.

¹⁹დალეწვით დაილეწა ქვეყანა, მსხვრევით დაიმსხვრა ქვეყანა, რყევით შეირყა ქვეყანა.

²⁰რხევით ირხევა ქვეყანა, როგორც მთვრალი, და როგორც კარავი, ისე ირწევა, დაამძიმებს მას მისი დანაშაული და დაეცემა და ვეღარ აღდგება.

²¹და იქნება იმ დღეს: დასჯის უფალი ზეცის მხედრობას ზეცაში და მიწის მეფეებს მიწაზე.

²²და შეიყრებიან ისინი ერთად, როგორც პატიმარნი დილეგში; და ჩაკეტილნი იქნებიან კლიტულში, და მრავალი დღის შემდეგ გაიხსენებენ მათ.

²³გაწბილდება მთვარე და შერცხვება მზეს, რადგან უფალი ცაბაოთი გამეფდება სიონის მთაზე და იერუსალიმში. და დიდება იქნება მის უხუცესთა წინაშე. უფალო, ჩემი ღმერთი ხარ შენ! გადიდებ შენ, მადლობას მივაგებ შენს სახელს, რადგან საოცრება მოიმოქმედე,