Read სბს–სტოკჰოლმი 2001 ესაია 25 Bible Online

ესაია 25 - სბს–სტოკჰოლმი 2001 bible

ესაია 25

¹განჩინება შორეული დროიდან, ნამდვილი, ჭეშმარიტი.

²რადგან შენ აქციე ქალაქი ქვის გროვად, გამაგრებული დედაქალაქი - ნანგრევებად, უცხოთა სასახლედ აღარაა ქალაქი, არ აშენდება უკუნისამდე.

³ამის გამო გადიდებს შენ ძლიერი ერი, სასტიკ ხალხთა ქალაქებს შეეშინდებათ შენი.

⁴რადგან შენ იყავი სიმაგრე საწყლისა, სიმაგრე გლახაკისა მის გაჭირვებაში, თავშესაფარი ნიაღვრისაგან, ჩრდილი პაპანაქებისაგან; რადგან სასტიკთა სუნთქვა ქარიშხლივით იყო კედლის წინააღმდეგ.

⁵როგორც ხორშაკი უწყლო ადგილას, შენ ჩაახშე უცხოთა ხმაური; როგორც ხორშაკი ღრუბლის ჩრდილში, ისე ეცემა სასტიკთა სიმღერა.

⁶უფალი ცაბაოთი გამართავს ამ მთაზე ყველა ხალხისათვის ნადიმს მსუყე საჭმელებით, ანკარა ღვინოებით, ძვლის ტვინიანი საჭმელებით, დაწმედილი ღვინოებით.

⁷და ის მოხდის ამ მთაზე ნიღაბს, აფარებულს ყველა ერზე, და საფარველს, გადაფარებულს ყველა ხალხზე.

⁸შთანთქავს სიკვდილს საუკუნოდ, და მოწმედს უფალი ღმერთი ცრემლს ყველა სახეზე, და სირცხვილს მოხოცავს თავის ერს მთელს ქვეყანაზე; რადგან უფალმა ასე თქვა.

⁹და იტყვის ხალხი იმ დღეს: “აი, ესაა ჩვენი ღმერთი, მას ველოდით, რომ გვიხსნიდა ჩვენ. ეს არის უფალი, მას ველოდით, ვილხინოთ და ვიხაროთ მისი ხსნით.”

¹⁰რადგან დაესვენება ამ მთაზე უფლის ხელი და გაითელება მოაბი თავის ადგილზე, როგორც სანაგვეზე თელავენ ჩალას.

¹¹და გაშლის თავის ხელს მის წიაღში, როგორც მოცურავე საცურაოდ, მაგრამ ის დაამცირებს მის სიამაყეს მისი ხელის ცბიერებასთან ერთად.

¹²და შენს გამაგრებულ მაღალ კედლებს დაამხობს, დააქცევს, მიწად დაანარცხებს, გააცამტვერებს.