Read სბს–სტოკჰოლმი 2001 გოდება იერემიასი 5 Bible Online

გოდება იერემიასი 5 - სბს–სტოკჰოლმი 2001 bible

გოდება იერემიასი 5

¹გაიხსენე, უფალო, რა დაგვემართა ჩვენ, შეხედე და იხილე ჩვენი შერცხვენა.

²ჩვენი სამკვიდრებელი უცხოებს ერგოთ, ჩვენი სახლები - გადამთიელებს.

³დავობლდით, აღარ გვყავს მამა, ჩვენი დედები ქვრივებივით არიან.

⁴ჩვენი წყაროებიდან ვერცხლადა ვსვამთ, ჩვენი ხეებიც სასყიდლით გვხვდება.

⁵კისერში კვრით გვდევნიან; დავიქანცეთ, არ გვასვენებენ.

⁶ეგვიპტეს გავუწვდინეთ ხელი, აშურს - პურით გასაძღომად.

⁷ჩვენმა მამებმა შესცოდეს და აღარ არიან, ჩვენ კი მათ უკეთურებათა გამო ვიტანჯებით.

⁸მონები ბატონობენ ჩვენზე, არავინ არის, რომ დაგვიხსნას მათი ხელიდან.

⁹სულის გაწირვით საფასურად ვშოულობთ ჩვენს პურს, უდაბნოს მახვილის გამო.

¹⁰ღუმელივითაა გავარვარებული ჩვენი კანი შიმშილის ხვატით.

¹¹გააუპატიურეს ქალები სიონში და ქალწულნი - იუდას ქალაქებში.

¹²მთავრებს მათი ხელებით ჰკიდებდნენ, უხუცესებს არ სცემდნენ პატივს.

¹³ჭაბუკნი დოლაბს ეზიდებოდნენ და ყმაწვილნი ხის ტვირთ ქვეშ ეცემოდნენ.

¹⁴უხუცესნი აიყარნენ კარიბჭეთაგან, შეწყვიტეს ჭაბუკებმა თავიანთი სიმღერა.

¹⁵შეწყდა მხიარულება ჩვენი გულისა, გლოვად იქცა ჩვენი ფერხული.

¹⁶დაცვივდა გვირგვინები ჩვენი თავებიდან, ვაი ჩვენ, შევცოდეთ!

¹⁷ამის გამო წუხდა ჩვენი გული, ამის გამო დაგვიბნელდა თვალები,

¹⁸რომ აოხრდა სიონის მთა, მელიები დადიან მასზე.

¹⁹შენ, უფალო, საუკუნოდ მყოფობ, შენი ტახტი იდგმება თაობიდან თაობამდე.

²⁰რატომ დაგვივიწყე სამარადისოდ, დაგვტოვე ასე დიდხანს?

²¹მოგვაბრუნე, უფალო, შენსკენ და ჩვენც მოვბრუნდებით! განაახლე ჩვენი დღეები, როგორც უწინ,

²²ნუთუ საბოლოოდ მოგვიძულე და მეტისმეტად მრისხანებ ჩვენზე?