Read სბს–სტოკჰოლმი 2001 ეზეკიელი 19 Bible Online

ეზეკიელი 19 - სბს–სტოკჰოლმი 2001 bible

ეზეკიელი 19

¹“შენ კი, მოთქმით იტირე ისრაელის მთავრებზე

²და თქვი: ‘რა არის დედაშენი? ძუ ლომი! ლომებს შორის იმყოფებოდა, ლომის ბოკვერებთან რდიდა, ამრავლებდა თავის ლეკვებს.

³და წამოაყენა ერთი თავის ლეკვთაგან, ლომის ბოკვერი გახდა იგი და ისწავლა ნადავლის დაგლეჯა, ადამიანს ჭამდა.

⁴და გაიგონეს მასზე ხალხებმა, მათ თხრილში იქნა ის შეპყრობილი და მიიყვანეს იგი კავებით ეგვიპტეში.

⁵და დაინახა მან, როცა უცდიდა, რომ დაიკარგა იმედი, და აიყვანა სხვა ერთი თავის ლეკვთაგანი, და ლომის ბოკვერად დასვა იგი.

⁶და დადიოდა ის ლომებს შორის, ლომის ბოკვერი გახდა და ისწავლა ნადავლის დაგლეჯა, ადამიანის ჭამა.

⁷და ანგრევდა მათ სასახლეებს და მათ ქალაქებს აოხრებდა და შეძრწუნდა ქვეყანა მისი ღრიალის ხმისაგან.

⁸და აღდგნენ მასზე ხალხები ირგვლივ ოლქებიდან და გაშალეს მასზე თავიანთი ბადე, და შეპყრობილ იქნა იგი მათ თხრილში.

⁹და ჩასვეს გალიაში კავებით და მიიყვანეს ის ბაბილონის მეფესთან. მოიყვანეს ციხე-სიმაგრეში, რათა აღარ გაგონილიყო მისი ხმა ისრაელის მთებზე.

¹⁰დედაშენი ვაზს ჰგავდა, დარგულს წყლის პირას, ნაყოფიერს, მრავალტოტიანი იყო ყალუხვობისგან.

¹¹მაგარი ტოტები ჰქონდა მას ხელმწიფეთა კვერთხისათვის, და გაიზარდა მისი ტანი ხშირ ტოტებს ორის, და ჩანდა თავისი სიმაღლით და მრავალი ტოტით.

¹²მაგრამ აღმოიფხვრა რისხვით, მიწაზე იქნა დაგდებული და აღმოსავლეთის ქარმა გაახმო მისი ნაყოფი. დაიშალა და გახმა მისი მაგარი ტოტები, ცეცხლმა შეჭამა ისინი.

¹³ახლა უდაბნოშია დარგული, მშრალ და გვალვიან ქვეყანაში.

¹⁴და გამოვიდა ცეცხლი მისი ტოტის ღეროდან, შეჭამა მისი ნაყოფი და აღარ შერჩა მას მაგარი ტოტი ხელმწიფის კვერთხისათვის. ეს არის გოდება და დარჩა გოდებად.’”