Read სბს–სტოკჰოლმი 2001 რიცხვნი 26 Bible Online

რიცხვნი 26 - სბს–სტოკჰოლმი 2001 bible

რიცხვნი 26

¹და მუსვრის შემდეგ უთხრა უფალმა მოსეს და ელეაზარს, აარონ მღვდლის ძეს:

²“აღრიცხეთ ისრაელის ძეთა მთელი თემი ოცი წლის ასაკიდან და უფროსი, თავიანთი მამის სახლითურთ, ყოველი ლაშქრად გამსვლელი ისრაელში.”

³და უთხრეს მათ მოსემ და ელეაზარ მღვდელმა მოაბის ველებზე, იორდანესთან, იერიხოს პირდაპირ:

⁴“ოცი წლის ასაკიდან და უფროსი აღრიცხეთ, როგორც უფალმა უბრძანა მოსეს და ისრაელის ძეთ, რომელნიც გამოვიდნენ ეგვიპტის ქვეყნიდან.”

⁵რეუბენი პირმშოა ისრაელისა. რეუბენის ძენი: ხანოქისაგან ხანოქელთა საგვარეულო; ფალუსაგან ფალუელთა საგვარეულო.

⁶ხეცრონისგან ხეცრონელთა საგვარეულო; ქარმისაგან ქარმელთა საგვარეულო.

⁷ესენია რეუბენის ძეთა საგვარეულოები; და მათი რიცხვი იყო ორმოცდასამი ათას შვიდას ოცდაათი.

⁸და ფალუს ძენი: ელიაბი.

⁹და ძენი ელიაბისა: ნემუელი, დათანი და აბირამი. დათანი და აბირამი თემის წარჩინებული ადამიანები იყვნენ, რომელნიც მოსეს და აარონის წინააღმდეგ აქეზებდნენ კორახის დასს მათი ამბოხებისას უფლის წინააღმდეგ.

¹⁰და გაიხსნა მიწამ პირი და შთანთქა ისინი. და კორახიც დაიღუპა მათთან ერთად, როდესაც შთანთქა ცეცხლმა ორასორმოცდაათი კაცი. და მაგალითად იქცნენ ისინი.

¹¹კორახის ძენი არ დახოცილან.

¹²ესენი იყვნენ სიმონის ძენი თავიანთი საგვარეულოებით: ნემუელისაგან ნემუელის საგვარეულო; იამინისაგან იამინის საგვარეულო; იაქინისაგან იაქინის საგვარეულო,

¹³ზერახისაგან ზერახის საგვარეულო; საულისაგან საულის საგვარეულო.

¹⁴ესენია საგვარეულოები სიმონისა: ოცდაორი ათას ორასი სული.

¹⁵და გადის ძენი თავინთი საგვარეულოებით: ცეფონისაგან ცეფონის საგვარეულო; ხაგისაგან ხაგის საგვარეულო; შუნისაგან შუნის საგვარეულო;

¹⁶ოზნისაგან ოზნის საგვარეულო; ყერისაგან ყერის საგვარეულო;

¹⁷აროდისაგან აროდის საგვარეულო; არიელისაგან არიელის საგვარეულო.

¹⁸ესენია გადის ძეთა საგვარეულოები აღრიცხვით, სულ ორმოცი ათას ხუთასი სული.

¹⁹იუდას ძენი: ყერი და ონანი [შელა, ფერეცი, ზერახი]. და გარდაიცვალნენ ყერი და ონანი ქანაანის ქვეყანაში.

²⁰და იყვნენ იუდას ძენი თავიანთი საგვარეულოებით: შელასაგან შელას საგვარეულო; ფერეცისაგან ფერეცის საგვარეულო; ზერახისაგან ზერახის საგვარეულო.

²¹და იყვნენ ფერეცის ძენი: ხეცრონისაგან ხეცრონის საგვარეულო; ხამულისაგან ხამულის საგვარეულო.

²²ესენია იუდას საგვარეულოები თავიანთი აღრიცხვით სამოცდათექვსმეტი ათას ხუთასი სული.

²³ისაქარის ძენი თავიანთი საგვარეულოებით: თოლაყისაგან თოლაყის საგვარეულო; ფუვასაგან ფუვას საგვარეულო;

²⁴იაშუბისაგან იაშუბის საგვარეულო; შიმრონისაგან შიმრონის საგვარეულო.

²⁵ესენია ისაქარის საგვარეულოები აღრიცხვით, სულ სამოცდაოთხიათას სამასი სული.

²⁶ზებულუნის ძენი თავიანთი საგვარეულოებით: სერედისაგან სერედის საგვარეულო; ელონისაგან ელონის საგვარეულო; იახლეელისაგან იახლეელის საგვარეულო.

²⁷ესენია ზებულუნის საგვარეულოები აღრიცხვით, სულ სამოციათას ხუთასი სული.

²⁸იოსების ძენი თავინთი საგვარეულოებით: მენაშე და ეფრემი.

²⁹მენაშეს ძენი: მაქირისაგან მაქირის საგვარეულო; და მაქირმა შვა გილყადი; გილყადისაგან გილყადის საგვარეულო.

³⁰ესენია გილყადის ძენი: იყეზერისაგან იყეზერის საგვარეულო; ხელეკისაგან ხელეკის საგვარეულო;

³¹და ასრიელისაგან ასრიელის საგვარეულო; და შექემისაგან შექემის საგვარეულო;

³²და შემიდაყისაგან შემიდაყის საგვარეულო; და ხეფერისაგან ხეფერის საგვარეულო.

³³და ცელაფხადს, ხეფერის ძეს, არ ჰყავდა ძენი, მხოლოდ ასულნი. და ცელაფხადის ასულთა სახელები იყო: მახლა და ნოყა, ხოგლა, მილქა და თირცა.

³⁴ესენია მენაშეს საგვარეულოები. და მათში აღრიცხული იყო ორმოცდათორმეტი ათას შვიდასი სული.

³⁵ესენი არიან ეფრემის ძენი თავიანთი საგვარეულოებით: შუთელახისაგან შუთელახის საგვარეულო; ბექერისაგან ბექერის საგვარეულო; თახანისაგან თახანის საგვარეულო.

³⁶და ესენი არიან შუთელახიანები: ყერანისაგან ყერანის საგვარეულო.

³⁷ესენია ეფრემის ძეთა საგვარეულოები აღრიცხვით, სულ ოცდათორმეტი ათას ხუთასი სული. და ესენი არიან იოსების ძენი თავიანთი საგვარეულოებით.

³⁸ბენიამინის ძენი თავიანთი საგვარეულოებით: ბელაყისაგან ბელაყის საგვარეულო; აშბელისაგან აშბელის საგვარეულო; ახირამისაგან ახირამის საგვარეულო;

³⁹შეფუფამისაგან შეფუფამის საგვარეულო; ხუფამისაგან ხუფამის საგვარეულო.

⁴⁰და ბელაყის ძენი იყვნენ: არდი და ნაყამანი: არდისაგან არდის საგვარეულო; ნაყამანისაგან ნაყამანის საგვარეულო.

⁴¹ესენი არიან ბენიამინის ძენი თავიანთი საგვარეულოებით და თავიანთი აღრიცხვით - ორმოცდახუთი ათას ექვსასი სული.

⁴²დანის ძენი თავიანთი საგვარეულოებით: შუხამისაგან შუხამის საგვარეულო. და ესენია დანის საგვარეულოები.

⁴³სულ შუხამის საგვარეულოში აღრიცხვით იყო სამოცდაოთხი ათას ოთხასი სული.

⁴⁴აშერის ძენი თავიანთი საგვარეულოებით: იმნასაგან იმნას საგვარეულო; იშვისაგან იშვის საგვარეულო; ბერიყასაგან ბერიყას საგვარეულო;

⁴⁵ბერიყას ძეთაგან: ხებერისაგან ხებერის საგვარეულო; მალქიელისაგან მალქიელის საგვარეულო.

⁴⁶და სახელი აშერის ასულისა იყო ზერახი.

⁴⁷ესენია აშერის ძეთა საგვარეულოები აღრიცხვით, სულ ორმოცდაცამეტი ათას ოთხასი სული.

⁴⁸ნაფთალის ძენი თავიანთი საგვარეულოებით: იახცეელისაგან იახცეელის საგვარეულო; გუნისაგან გუნის საგვარეულო;

⁴⁹იეცერისაგან იეცერის საგვარეულო; შილემისაგან შილემის საგვარეულო.

⁵⁰ესენია ნაფთალის ძეთა საგვარეულოები, და მათთან აღრიცხული იყო ორმოცდახუთი ათას ოთხასი სული.

⁵¹ეს არის აღრიცხულ ისრაელის ძეთა რაოდენობა: ექვსას ერთი ათას შვიდას ოცდაათი სული.

⁵²და უთხრა უფალმა მოსეს:

⁵³“მათ სამკვიდრებლად უნდა დანაწილდეს ეს ქვეყანა სახელთა რიცხვის მიხედვით.

⁵⁴მრავალრიცხოვანთათვის გაზარდე მათი მიწის სამკვიდრებელი, ხოლო მცირერიცხოვანთათვის შეამცირე. თითოეულს თავისი აღრიცხვის მიხედვით მიეცემა თავისი სამკვიდრებელი.

⁵⁵ოღონდ წილისყრით უნდა დანაწილდეს ქვეყანა, მათ მამათა ტომების სახელთა მიხედვით უნდა მიიღონ სამკვიდრებელი.

⁵⁶წილისყრით დანაწილდება მათი სამკვიდრებელი მრავალრიცხოვანთა და მცირერიცხოვანთა შორის.”

⁵⁷და აღირიცხნენ ლევიანები თავიანთი საგვარეულოებით: გერშონისაგან გერშონის საგვარეულო, კეჰათისაგან კეჰათის საგვარეულო; მერარისაგან მერარის საგვარეულო.

⁵⁸ესენია საგვარეულოები ლევისა: საგვარეულო ლიბნისა, საგვარეულო ხებრონისა, საგვარეულო მახლისა, საგვარეულო მუშისა, საგვარეულო კორახისა. და კეჰათმა შვა ყამრამი.

⁵⁹და ყამრამის ცოლის სახელი იყო იოქებედი, ასული ლევისა, რომელიც მისმა ცოლმა ეგვიპტეში უშვა. და მან ყამრამს უშვა აარონი და მოსე, აგრეთვე მირიამი, მათი და.

⁶⁰და შვა აარონმა ნადაბი და აბიჰუ, ელეაზარი და ითამარი.

⁶¹და დაიხოცნენ ნადაბი და აბიჰუ, როცა უცხო ცეცხლი მიიტანეს უფლის წინაშე.

⁶²და იყვნენ თავიანთი აღრიცხვით ოცდასამი ათასნი - ყოველი მამაკაცი, ერთი თვის ასაკიდან და უფროსი. მაგრამ ისინი არ აღრიცხულან ისრაელის ძეთა შორის, რადგან არ მიეცათ მათ სამკვიდრებელი მათ შორის.

⁶³ეს იყო მოსესა და ელეაზარ მღვდლის აღრიცხვა, რომლებმაც აღრიცხეს ისრაელის ძენი მოაბის ველებზე, იორდანეს პირას, იერიხოსთან.

⁶⁴და მათ შორის არავინ ყოფილა მოსესა და აარონ მღვდლის აღრიცხულთაგან, რომლებმაც აღრიცხეს ისრაელის ძენი სინაის უდაბნოში.

⁶⁵რადგან თქვა უფალმა მათზე: “სიკვდილით მოკვდებიან ისინი უდაბნოში!” და არ დარჩა მათგან არც ერთი, გარდა ქალებ იეფუნეს ძისა და იესო ნავეს ძისა.