Read სბს–სტოკჰოლმი 2001 რიცხვნი 33 Bible Online

რიცხვნი 33 - სბს–სტოკჰოლმი 2001 bible

რიცხვნი 33

¹ეს არის ისრაელის ძეთა მოგზაურობანი, რომელნიც გამოვიდნენ ეგვიპტის ქვეყნიდან ლაშქრებად მოსესა და აარონის მეთაურობით.

²და ჩაიწერა მოსემ მათი გამოსვლის ადგილები და მათი ბანაკები, უფლის ბრძანებით. და ეს არის მათი ლაშქრობანი მათი გამოსვლის ადგილების მიხედვით:

³აიყარნენ რაყმესესიდან პირველ თვეში, პირველი თვის მეთხუთმეტე დღეს. პასექის მეორე დღეს გამოვიდნენ ისრაელის ძენი, მაღალი ხელით მთელი ეგვიპტის წინაშე.

⁴და ეგვიპტელნი მარხავდნენ თავიანთ პირმშოებს, რომელნიც უფალმა მოსრა მათში. და მათ ღმერთებსაც მიაგო უფალმა სასჯელი.

⁵და აიყარნენ ისრაელის ძენი რაყმესესიდან და დაბანაკდნენ სუქოთში.

⁶და აიყარნენ სუქოთიდან და დაბანაკდნენ ეთამში, რომელიც უდაბნოს განაპირას მდებარეობს.

⁷და აიყარნენ ეთამიდან და დაბანაკდნენ ჰახიროთში, რომელიც ბაყალ-ცეფონის წინაა, და დაბანაკდნენ მიგდოლის წინ.

⁸და აიყარნენ ჰახიროთიდან და გაიარეს შუაგულ ზღვაზე და გადავიდნენ უდაბნოში, და იარეს სამი დღის სავალი გზა ეთამის უდაბნოში, და დაბანაკდნენ მარაში.

⁹და აიყარნენ მარადან და მივიდნენ ელიმში. და ელიმში იყო თორმეტი წყაროსთვალი და ფინიკის სამოცდაათი ხე, და დაბანაკდნენ იქ.

¹⁰და აიყარნენ ელიმიდან და დაბანაკდნენ მეწამულ ზღვასთან.

¹¹და აიყარნენ მეწამული ზღვიდან და დაბანაკდნენ სინის უდაბნოში.

¹²და აიყარნენ სინის უდაბნოდან და დაბანაკდნენ დოფკაში.

¹³და აიყარნენ დოფკადან და დაბანაკდნენ ალუშში.

¹⁴და აიყარნენ ალუშიდან და დაბანაკდნენ რეფიდიმში და იქ არ იყო სასმელი წყალი ხალხისათვის.

¹⁵და აიყარნენ რეფიდიმიდან და დაბანაკდნენ სინაის უდაბნოში.

¹⁶და აიყარნენ სინაის უდაბნოდან და დაბანაკდნენ კიბროთ-ჰათაავაში.

¹⁷და აიყარნენ კიბროთ-ჰათაავადან და დაბანაკდნენ ხაცეროთში.

¹⁸და აიყარნენ ხაცეროთიდან და დაბანაკდნენ რითმაში.

¹⁹და აიყარნენ რითმადან და დაბანაკდნენ რიმონ-ფარეცში.

²⁰და აიყარნენ რიმონ-ფარეციდან და დაბანაკდნენ ლიბნაში.

²¹და აიყარნენ ლიბნადან და დაბანაკდნენ რისაში.

²²და აიყარნენ რისადან და დაბანაკდნენ კეჰელათაში.

²³და აიყარნენ კეჰელათადან და დაბანაკდნენ შაფერის მთაზე.

²⁴და აიყარნენ შაფერის მთიდან და დაბანაკდნენ ხარადაში.

²⁵და აიყარნენ ხარადადან და დაბანაკდნენ მაკჰელოთში.

²⁶და აიყარნენ მაკჰელოთიდან და დაბანაკდნენ თახათში.

²⁷და აიყარნენ თახათიდან და დაბანაკდნენ თარახში.

²⁸და აიყარნენ თარახიდან და დაბანაკდნენ მითკაში.

²⁹და აიყარნენ მითკადან და დაბანაკდნენ ხაშმონაში.

³⁰და აიყარნენ ხაშმონადან და დაბანაკდნენ მოსეროთში.

³¹და აიყარნენ მოსეროთიდან და დაბანაკდნენ ბენე იაყაკანში.

³²და აიყარნენ ბენე იაყაკანიდან და დაბანაკდნენ ხორ-ხაგიდგადში.

³³და აიყარნენ ხორ-ხაგიდგადიდან და დაბანაკდნენ იოტბათაში.

³⁴და აიყარნენ იოტბათადან და დაბანაკდნენ ყებრონაში.

³⁵და აიყარნენ ყებრონადან და დაბანაკდნენ ყეციონ-გებერში.

³⁶და აიყარნენ ყეციონ-გებერიდან და დაბანაკდნენ ცინის უდაბნოში, ანუ კადეშში.

³⁷და აიყარნენ კადეშიდან და დაბანაკდნენ ჰორის მთაზე, ედომის ქვეყნის საზღვარზე.

³⁸და ავიდა აარონ მღვდელი ჰორის მთაზე უფლის ბრძანებით, და მოკვდა იქ ეგვიპტის ქვეყნიდან ისრაელის ძეთა გამოსვლის მეორმოცე წელს, მეხუთე თვეს, თვის პირველში.

³⁹და აარონი იყო ასოცდასამი წლისა, როცა მოკვდა ჰორის მთაზე.

⁴⁰და ისმინა ქანაანმა, ყარადის მეფემ, რომელიც ცხოვრობდა ნეგებში, ქანაანის ქვეყანაში, ისრაელის ძეთა მოსვლის შესახებ.

⁴¹და აიყარნენ ჰორის მთიდან და დაბანაკდნენ ცალმონაში,

⁴²და აიყარნენ ცალმონადან და დაბანაკდნენ ფუნონში.

⁴³და აიყარნენ ფუნონიდან და დაბანაკდნენ ობოთში.

⁴⁴და აიყარნენ ობოთიდან და დაბანაკდნენ ყიე-ყაბარიმში, მოაბის საზღვარზე.

⁴⁵და აიყარნენ ყიიმიდან და დაბანაკდნენ დიბონ-გადში.

⁴⁶და აიყარნენ დიბონ-გადიდან და დაბანაკდნენ ყალმონ-დიბლათაიმში.

⁴⁷და აიყარნენ ყალმონ-დიბლათაიმიდან და დაბანაკდნენ ყაბარიმის მთებში, ნებოს წინ.

⁴⁸და აიყარნენ ყაბარიმის მთებიდან და დაბანაკდნენ მოაბის ველებზე, იორდანესთან, იერიხოს პიდაპირ.

⁴⁹და დაბანაკდნენ იორდანესთან, ბეთ-იეშიმოთიდან აბელ-შიტიმამდე, მოაბის ველებზე.

⁵⁰და უთხრა უფალმა მოსეს მოაბის ველებზე, იორდანესთან, იერიხოს პირდაპირ:

⁵¹“განუცხადე ისრაელის ძეთ, და უთხარი მათ: ‘როდესაც თქვენ გადახვალთ იორდანეს გაღმა ქანაანის ქვეყანაში,

⁵²განდევნეთ თქვენგან ყველა მკვიდრი იმ ქვეყნისა და მოსპეთ მათი ღმერთების ყველა გამოსახულება, და ყველა მათი ჩამოსხმული კერპი მოსპეთ, და ყველა მათი გორაკი ააოხრეთ.

⁵³და დაეუფლეთ ქვეყანას, და იცხოვრეთ მასში, რადგან თქვენ მოგეცით ეს ქვეყანა, რათა დაიმკვიდროთ იგი.

⁵⁴და დაიმკვიდრეთ ქვეყანა წილის ყრით, თქვენი საგვარეულოების მიხედვით. მრავალრიცხოვანთ მეტი სამკვიდრო მიეცით და მცირერიცხოვანთ ნაკლები სამკვიდრო მიეცით. ვისაც სად შეხვდება წილი, იქ იყოს სამკვიდრო მისი. თქვენი მამების ტომთა მიხედვით დაიმკვიდრეთ.

⁵⁵და თუ არ განდევნით იმ ქვეყნის მცხოვრებთ თქვენგან, მაშინ, რომელთაც მათგან დატოვებთ, ეკლად გექცევიან თქვენს თვალებში და ნარად თქვენს ფერდებში, და შეგავიწროვებენ თქვენ იმ ქვეყანაში, სადაც იცხოვრებთ.

⁵⁶და რაც მე განმიზრახავს გასაკეთებლად, იმას გაგიკეთებთ თქვენ.’”