Read სბს–სტოკჰოლმი 2001 ზაქარია 2 Bible Online

ზაქარია 2 - სბს–სტოკჰოლმი 2001 bible

ზაქარია 2

¹ავახილე თვალები და ვიხილე: აჰა, კაცი გამზომი ლარით ხელში.

²ვკითხე: “სად მიდიხარ?” მითხრა: “იერუსალიმის გასაზომად, რომ დავინახო, რამდენია მისი სიგანე და რამდენია მისი სიგრძე.”

³აჰა, გამოდის ანგელოზი, რომელიც მელაპარაკებოდა, და სხვა ანგელოზიც გამოდის ჩემს შესახვედრად.

⁴უთხრა მას: “გაიქეცი და ელაპარაკე ამ ყმაწვილს, უთხარი: გაშლილ დაბად იცხოვრებს იერუსალიმი უამრავი ხალხისა და პირუტყვის გამო, მასში რომ არის.

⁵მე ვიქნები მისთვის, - ამბობს უფალი, - ცეცხლის კედლად ირგვლივ და დიდებად მის შუაგულში.

⁶ჰოი, ჰოი, გაიქეცით ჩრდილოეთის ქვეყნიდან, - ამბობს უფალი, - რადგან ცის ოთხი ქარისკენ გაგფანტავთ, - ამბობს უფალი.

⁷ჰოი, სიონო, თავს უშველე, ბაბილონის ასულთან რომ ცხოვრობ!

⁸რადგან ასე ამბობს ცაბაოთ უფალი: “დიდების შემდეგ მიმავლენს ხალხებთან, რომლებიც გძარცვავენ შენ, რადგან თქვენი შემხებარე მისი თვალის გუგის შემხებარეა.

⁹რადგან, აჰა, მოვუქნევ ხელს და მათი ყმების ნადავლად იქცევიან; მიხვდებიან, რომ ცაბაოთ უფალმა მომავლინა.

¹⁰იხარე და იმხიარულე, სიონის ასულო, რადგან, აჰა, მოვდივარ და დავივანებ შენს შუაგულში,” - ამბობს უფალი.

¹¹“მიეტმასნებიან უამრავი ხალხები უფალს ამ დღეს და გახდებიან ჩემი ერი; დავივანებ შენს შუაგულში.” და მიხვდები, რომ ცაბაოთ უფალმა მომავლინა შენთან.

¹²დაიმკვიდრებს უფალი იუდას თავის წილხვედრად წმიდა მიწაზე და კვლავ აირჩევს იერუსალიმს.

¹³იყუჩოს ყოველმა ხორციელმა უფლის წინაშე, რადგან, აჰა, გაიღვიძა მან თავის წმიდა სამყოფელში.”