Read სბს–სტოკჰოლმი 2001 ზაქარია 3 Bible Online

ზაქარია 3 - სბს–სტოკჰოლმი 2001 bible

ზაქარია 3

¹დამანახვა მან იესო მღვდელმთავარი, უფლის ანგელოზის წინაშე მდგარი, და სატანა, მის ხელმარჯვნივ მდგარი მის მოსაყივნებლად.

²უთხრა უფალმა სატანას: “გიკრძალავს უფალი, სატანავ! გიკრძალავს უფალი, რომელმაც იერუსალიმი აირჩია! განა ეს ცეცხლიდან მოწყვეტილი მუგუზალი არ არის?”

³იესოს წვირიანი სამოსელი ეცვა და იდგა ანგელოზის წინაშე.

⁴მიუგო და უთხრა ანგელოზმა თავის წინაშე მდგომთ: “გახადეთ წვირიანი სამოსელი!” უთხრა მას: “აჰა, წარგხოცე უკეთურება და საზეიმო სამოსლით შეგმოსავ.”

⁵თქვა: “დაახურონ თავზე სუფთა თავსაბურველი და ჩააცვან სამოსელი.” უფლის ანგელოზი კი იდგა.

⁶გამოუცხადა უფლის ანგელოზმა იესოს და უთხრა:

⁷“ასე ამბობს ცაბაოთ უფალი: ‘თუ ჩემი გზებით ივლი და ჩემს სამსახურს შეასრულებ, გაუძღვები ჩემს სახლს და თვალყურს ადევნებ ჩემს ეზოებს, მოგცემ მისასვლელს აქ მდგომარეთა შორის.”

⁸ისმინე, იესო მღვდელმთავარო, შენ და შენმა თვისტომებმა, შენს წინ რომ სხედან, რადგან სასწაულნი არიან ეს კაცები. რადგან, აჰა, მოვავლინებ ჩემს მორჩილს - მორჩს!

⁹რადგან აჰა, ის ქვა, რომელიც დავდევი იესოს წინ: შვიდი თვალია ამ ერთ ქვაზე. აჰა, ამოვკვეთავ მასზე ამოსაკვეთელს, - ამბობს ცაბაოთ უფალი, - და ერთ დღეში წარვხოცავ ამ ქვეყნის ცოდვებს.

¹⁰იმ დღეს, - ამბობს ცაბაოთ უფალი, - ერთმანეთს მიიწვევთ ვაზის ქვეშ და ლეღვის ქვეშ.”