Read სბს–სტოკჰოლმი 2001 ზაქარია 5 Bible Online

ზაქარია 5 - სბს–სტოკჰოლმი 2001 bible

ზაქარია 5

¹კვლავ ავახილე თვალი და ვიხილე: აჰა, აფრიალებული გრაგნილი.

²მითხრა: “რას ხედავ?” ვუთხარი მე: “აფრიალებულ გრაგნილს ვხედავ, სიგრძით ოცი წყრთა არის, სიგანით - ათი წყრთა.”

³მითხრა: “ეს არის წყევლა, მთელ ქვეყანაზე გადმომავალი. რადგან ყოველი მპარავი ამიერიდან უნდა მოიკვეთოს ამის თანახმად და ყოველი მოფიცარი ამიერიდან უნდა მოიკვეთოს ამის თანახმად.

⁴გამოვიხმე, - ამბობს ცაბაოთ უფალი, - და მიადგება მპარავის სახლს და ჩემი სახელის ცუდად მოფიცარის სახლს, დაიღამებს მის სახლში და მოსპობს მას, მის ხესა და ქვას.”

⁵გამოვიდა ანგელოზი, რომელიც მე მელაპარაკებოდა, და მითხრა: “აახილე თვალი და დაინახე, რა არის ეს, რომ ჩანს.”

⁶ვუთხარი: “რა არის-მეთქი?” მითხრა: “ეს საწყაული ჩანს.” და თქვა: “ეს არის მათი უკეთურება მთელს ქვეყანაზე.”

⁷აჰა, ტყვიის ნაჭერი ამოიწია და ერთი ქალი ზის შუაგულ საწყაულში.

⁸თქვა: “ეს არის უკეთურება.” და ჩააგდო იგი საწყაულში და ტყვიის ზოდი დაახურა ზედ.

⁹ავახილე თვალი და დავინახე: აჰა, გამოჩნდა ორი ქალი და ქარი ჰქონდათ ფრთებში, ფრთებად კი წეროს ფრთები ჰქონდათ. და ასწიეს მათ საწყაული მიწასა და ცას შორის.

¹⁰ვუთხარი ანგელოზს, რომელიც მე მელაპარაკებოდა; “სად მიაქვთ-მეთქი ეს საწყაული?”

¹¹მითხრა: “შინეარის ქვეყანაში, რომ სახლი აუშენონ. და როცა მზად იქნება, თავის ადგილზე დაიდგმება იგი.”