Read სბს–სტოკჰოლმი 2001 იესო ნავეს ძე 12 Bible Online

იესო ნავეს ძე 12 - სბს–სტოკჰოლმი 2001 bible

იესო ნავეს ძე 12

¹აი, იმ ქვეყნების მეფეები, რომლებიც მოსრეს ისრაელის ძეთ, და დაიმკვიდრეს მათი ქვეყანა იორდანეს გაღმა აღმოსავლეთისაკენ, არნონის ხევიდან ხერმონის მთამდე, და მთელი ყარაბა აღმოსავლეთისკენ.

²სიხონი, ამორეველთა მეფე, რომელიც ხეშბონში მკვიდრობდა, იგი მართავდა ყაროყერიდან, რომელიც არის არნონის ხევის ნაპირზე, და შუა ხევიდან და გილყადის ნახევრიდან, ვიდრე იაბოკის ხევამდე, ყამონის ძეთა საზღვრამდე;

³და ველიდან ქინეროთის ზღვამდე აღმოსავლეთისაკენ და ყარაბას ზღვამდე, მარილოვან ზღვამდე, აღმოსავლეთისაკენ ბეთ-იეშიმოთის გზამდე, და სამხრეთისაკენ ფისგას ფერდობთა ძირას.

⁴და ყოგის მიწა-წყალი, ბაშანის მეფისა, რეფაიმთა ნატამალიდან, რომელიც მკვიდრობდა ყაშთაროთსა და ედრეყში.

⁵და განმგებლობდა ხერმონის მთაზე და სალქაზე, და მთელ ბაშანზე, გეშურელთა და მაყაქათელთა საზღვრამდე, და გილყადის ნახევარზე, ხეშბონის მეფის, სიხონის საზღვრამდე.

⁶მოსემ, უფლის მსახურმა, და ისრაელის ძეთ მოსრეს ისინი, და მისცა იგი მოსემ, უფლის მსახურმა, რეუბენის ძეთ, გადის ძეთა და მენაშეს ნახევარ ტომს სამკვიდრებლად.

⁷და აი, იმ ქვეყნის მეფენი, რომელნიც მოსრეს იესომ და ისრაელის ძეთ იორდანეს გაღმა, დასავლეთით, ბაყალ-გადიდან ლიბანის ველზე ვიდრე ხალაკის მთამდე, რომელიც მიემართება სეყირისაკენ. და მისცა იგი იესომ ისრაელის ტომებს სამკვიდრებლად, მათი დასების მიხედვით,

⁸მთაში, ბარში და ყარაბაში, და ფერდობებზე, და უდაბნოში, და სამხრეთში, ხეთელებთან, ამორეველებთან და ქანაანელებთან, ფერიზელებთან, ხიველებთან და იებუსელებთან:

⁹იერიხოს მეფე - ერთი; მეფე ჰაღაის, რომელიც ბეთელის გვერდზეა - ერთი;

¹⁰მეფე იერუსალიმისა - ერთი; მეფე ხებრონისა - ერთი;

¹¹მეფე იარმუთისა - ერთი; მეფე ლაქიშისა - ერთი;

¹²მეფე ყეგლონისა - ერთი; მეფე გეზერისა - ერთი;

¹³მეფე დებირისა - ერთი; მეფე გედერისა - ერთი;

¹⁴მეფე ხორმისა - ერთი; მეფე ყარადისა - ერთი;

¹⁵მეფე ლიბნისა - ერთი;

¹⁶მეფე მაკედასი - ერთი, მეფე ბეთელისა - ერთი;

¹⁷მეფე თაფუახისა - ერთი; მეფე ხეფერისა - ერთი;

¹⁸მეფე აფეკისა - ერთი; მეფე შარონისა - ერთი;

¹⁹მეფე მადონისა - ერთი; მეფე ხაცორისა - ერთი;

²⁰მეფე შიმრონ-მერონისა - ერთი; მეფე აქშაფისა - ერთი;

²¹მეფე თაყანაქისა - ერთი;

²²მეფე კადეშისა - ერთი; მეფე იოკნეყამისა, ქარმელში - ერთი;

²³მეფე დორისა, დორის ბორცვებთან - ერთი; მეფე გოიმისა, გილგალთან - ერთი;

²⁴მეფე თირცასი - ერთი.