Read სბს–სტოკჰოლმი 2001 იესო ნავეს ძე 15 Bible Online

იესო ნავეს ძე 15 - სბს–სტოკჰოლმი 2001 bible

იესო ნავეს ძე 15

¹და წილად ხვდა იუდას ძეთა ტომს, მათი საგვარეულოების მიხედვით: ედომის საზღვართან იყო ცინის უდაბნო, სამხრეთით, სამხრეთის კიდემდე.

²და მათი სამხრეთის საზღვარი იყო მარილოვანი ზღვის კიდედან ყურის სამხრეთისაკენ,

³სამხრეთით ის გადიოდა ყაკრაბიმის მაღლობისაკენ, გადადიოდა ცინს, სამხრეთიდან ადიოდა კადეშ-ბარნეაყისაკენ, და გადადიოდა ხეცრონს. და ადიოდა ადარასთან, უხვევდა კარკაყასაკენ.

⁴და გაივლიდა ყაცმონს, გადიოდა ეგვიპტის ხევისაკენ, და ამ საზღვრის დასასრული ზღვაა. ეს გქონდეთ სამხრეთის საზღვრად.

⁵ხოლო აღმოსავლეთის საზღვარი იყო მარილოვანი ზღვა, იორდანეს შესართავამდე. და საზღვარი ჩრდილოეთის მხრიდან, ზღვის ყურედან იყო იორდანეს შესართავიდან.

⁶და ადიოდა საზღვარი ბეთ-ხოგლამდე, და გადადიოდა ბეთ-ყარაბასაკენ ჩრდილოეთით, და ადიოდა საზღვარი ბოჰანის ქვამდე, რეუბენის ძისა.

⁷და აღწევდა საზღვარი დებირამდე ყაქორის ველიდან, და უხვევდა ჩრდილოეთით გილგალისკენ, რომელიც ადუმიმის მაღლობის პირდაპირ იყო, ხევის სამხრეთით რომ არის; და გადადოდა საზღვარი ყენ-შემეშის წყლებისკენ და მთავრდებოდა ყენ-როგელთან.

⁸და ადიოდა საზღვარი ბენ-ჰინომის ველისკენ, იებუსის ანუ იერუსალიმის სამხრეთით, და ადიოდა საზღვარი მთის მწვერვალისაკენ, ჰინომის ველის ზემოთ რომ არის, დასავლეთით, რეფაიმის ველის კიდეზე, ჩრდილოეთით.

⁹და უხვევდა საზღვარი მთის მწვერვალიდან წყაროს წყლებისკენ და გადიოდა ყეფრონის მთის ქალაქებისკენ, და უხვევდა საზღვარი ბაყალასაკენ ანუ კირიათ-იეყარიმისკენ.

¹⁰და უხვევდა საზღვარი ბაყალადან დასავლეთისკენ, სეყირის მთისკენ, და გაივლიდა იეყარიმის ანუ ქესალონის მთის ჩრდილო კალთებს, და ეშვებოდა ბეთ-შემეშისაკენ და გადადიოდა თიმნასაკენ.

¹¹და გადიოდა საზღვარი ყეკრონის ჩრდილო მხარეს, და უხვევდა საზღვარი შიქრონისაკენ, და გადადიოდა ბაყალას მთაზე, და აღწევდა იაბნელამდე. და თავდებოდა საზღვარი ზღვასთან.

¹²დასავლეთის საზღვარი იყო დიდი ზღვა. და ეს საზღვარი არის იუდას ძეთა საზღვარი ირგვლივ, მათი საგვარეულოების მიხედვით.

¹³და ქალებს, იეფუნეს ძეს, მისცა წილი იუდას ძეთა შორის, როგორც ნაბრძანები ჰქონდა უფალს იესოსთვის; [და მისცა მას იესომ] კირიათ-არბაყი, ყენაკელთა მამის, ანუ ხებრონი.

¹⁴და განდევნა იქიდან ქალებმა სამი ძე ყენაკისა: შეშაი, ახიმანი და თალმაი, შვილები ყენაკისა.

¹⁵და ავიდა იქიდან იგი დებირის მკვიდრთა წინააღმდეგ და უწინ მას კირიათ-სეფერი ერქვა.

¹⁶და თქვა ქალებმა: “ვინც მოსრავს კირიათ-სეფერს და აიღებს, მას ცოლად მივცემ ყაქსას, ჩემს ასულს.

¹⁷და აიღო იგი ღოთონიელმა, ქალების ძმამ და კენაზის ძემ, და მისცა მას ცოლად ყაქსა, თავისი ასული.

¹⁸და შინ რომ მივიდნენ, ცოლმა დაიყოლია ღოთონიელი და თავისი მამისგან მინდორი გამოათხოვნინა, თვითონ კი ჩამოხდა სახედრიდან, და ჰკითხა მას ქალებმა: “რა გინდა?”

¹⁹და მან უპასუხა: “მომეცი მე კურთხევა. რაკი სამხრეთის ქვეყანა მომეცი, ბარემ ახლა წყლის წყაროებიც მომეცი.” და მან მისცა მას ზემო და ქვემო წყაროები.

²⁰აი, იუდას ძეთა ტომის სამკვიდრო მათი საგვარეულოების მიხედვით.

²¹და იყო მათი ქალაქები იუდას ტომის სამკვიდროს კიდეზე, ედომის საზღვრისკენ, სამხრეთში: კაბცეელი, ყედერი, იაგური,

²²კინა, დიმონა, ყადყადა,

²³კედეში, ხაცორი, ითნანი,

²⁴ზიფი, ტელემი, ბაყალოთი,

²⁵ხაცორ-ხადათა, კერიოთ-ხეცრონი ანუ ხაცორი,

²⁶ამამი, შემაყი, მოლადა,

²⁷ხაცორ-გადა, ხეშმონი, ბეთ-ფელეტი,

²⁸ხაცარ-შუყალი, ბეერ-შებაყი, ბიზიოთია,

²⁹ბაყალა, ყიიმი, ყეცემი,

³⁰ელთოლადი, ქესილი, ხორმა,

³¹ციკლაგი, მადმანა, სანსანა,

³²ლებაოთი, შილხიმი, ყაინი და რიმონი - სულ ოცდაცხრა ქალაქი თავისი სოფლებით.

³³ბარში: ეშთაოლი, ცორყა, აშნა,

³⁴ზანოახი, ყენ-განიმი, თაფუახი, ჰაყენამი,

³⁵იარმუთი, ყადულამი, სოქო, ყაზეკა,

³⁶შაყარაიმი, ყადითაიმი, გედერა, გედეროთაიმი - სულ თოთხმეტი ქალაქი თავისი სოფლებით.

³⁷ცენანი, ხადაშა, მიგდალ-გადი,

³⁸დილყანი, მიცფე, იოკთეელი,

³⁹ლაქიში, ბაცკათი, ყეგლონი,

⁴⁰ქაბონი, ლახმასი, ქითლიში,

⁴¹გედეროთი, ბეთ-დაგონი, ნაყამა და მაკედა - თექვსმეტი ქალაქი თავისი სოფლებით.

⁴²ლიბნა, ყეთერი, ყაშანი,

⁴³იფთახი, აშნა, ნეციბი,

⁴⁴კეყილა, აქზიბი, მარეშა - ცხრა ქალაქი თავისი სოფლებით.

⁴⁵ყეკრონი თავისი ქალაქებითა და თავისი სოფლებით.

⁴⁶ყეკრონიდან ზღვისკენ ყველაფერი, რაც აშდოდის მახლობლად იყო, მისი სოფლებით.

⁴⁷აშდოდი, თავისი ქალაქებითა და სოფლებით; ღაზა, თავისი ქალაქებითა და სოფლებით ეგვიპტის ხევამდე; დიდი ზღვა თავისი სანაპიროთი.

⁴⁸ხოლო მთაში: შამირი, იათირი, სოქო,

⁴⁹დანა, კირიათ-სანა, ანუ დებირი,

⁵⁰ყანაბი, ეშთემო, ყანიმი,

⁵¹გოშენი, ხოლონი და გილო - თერთმეტი ქალაქი თავისი სოფლებით.

⁵²არაბი, რუმა, ეშყანი,

⁵³იანუმი, ბეთ-თაფუახი, და აფეკა,

⁵⁴ხუმტა, კირიათ-არბაყი ანუ ხებრონი და ციყორი - ცხრა ქალაქი თავისი სოფლებით.

⁵⁵მაყონი, ქარმელი, ზიფი, იუტა,

⁵⁶იზრეყელი, იოკდეყამი, ზანოახი,

⁵⁷კაინი, გიბყა და თიმნა - ათი ქალაქი თავისი სოფლებით.

⁵⁸ხალხული, ბეთ-ცური, გედორი,

⁵⁹მაყარათი, ბეთ-ყანოთი და ელთეკონი - ექვსი ქალაქი თავისი სოფლებით.

⁶⁰კირიათ-ბაყალი ანუ კირიათ-იეყარიმი და რაბა - ორი ქალაქი თავისი სოფლებით,

⁶¹უდაბნოში: ბეთ-ყარაბა, მიდინი, სექაქა,

⁶²ნიბშანი, მარილის ქალაქი და ყენგედი - ექვსი ქალაქი თავისი სოფლებით.

⁶³და იებუსელთა, იერუსალიმის მკვიდრთა, განდევნა ვერ შეძლეს იუდაელებმა, და ცხოვრობენ იებუსელნი იუდაელებთან იერუსალიმში დღევანდლამდე.