Read სბს–სტოკჰოლმი 2001 იესო ნავეს ძე 21 Bible Online

იესო ნავეს ძე 21 - სბს–სტოკჰოლმი 2001 bible

იესო ნავეს ძე 21

¹და მივიდნენ ლევის ძეთა ტომის მთავარნი ელეაზარ მღვდელთან, იესო ნავეს ძესთან და ისრაელის ძეთა ტომების მთავრებთან,

²და უთხრეს მათ შილოში, ქანაანის ქვეყანაში ასე: “უფალმა ბრძანა მოსეს ხელით, რომ ჩვენ მოგვცემოდა ქალაქები საცხოვრებლად და მათი საძოვრები ჩვენი საქონლისათვის.”

³და მისცეს ისრაელის ძეთ ლევიანებს თავიანთი სამკვიდროდან უფლის ბრძანებით ეს ქალაქები და მათი საძოვრები.

⁴და ერგოთ წილი კეჰათიანთა საგვარეულოებს; და შეხვდათ აარონ მღვდლის ძეთ, ლევის ძეთ, იუდას ტომიდან, სიმონის ტომიდან და ბენიამინის ტომიდან, სულ ცამეტი ქალაქი.

⁵და კეჰათის დანარჩენ ძეთ ეფრემის ტომის საგვარეულოებიდან, დანის ტომიდან და მენაშეს ნახევარ ტომიდან წილისყრით ერგოთ ათი ქალაქი.

⁶და გერშონის ძეთ - ისაქარის ტომის საგვარეულოებიდან, და აშერის ტომიდან, და ნაფთალის ტომიდან, და მენაშეს ნახევარი ტომიდან ბაშანში წილისყრით - ცამეტი ქალაქი.

⁷მერარის ძეთ ერგოთ მათი საგვარეულოების მიხედვით რეუბენის ტომიდან, გადის ტომიდან და ზებულუნის ტომიდან - თორმეტი ქალაქი.

⁸და მისცეს წილისყრით ისრაელის ძეთ ლევიანებს ეს ქალაქები და მათი საძოვრები, როგორც ბრძანა უფალმა მოსეს ხელით.

⁹და მისცეს იუდას ძეთა ტომიდან და სიმონის ძეთა ტომიდან ეს ქალაქები, რომელნიც აქ სახელით არიან მოხსენიებულნი.

¹⁰და აარონის ძეთ, კეჰათიანთა საგვარეულოებიდან, ლევიანთაგან,

¹¹მისცეს კირიათ-არბაყი, ყენაკის მამისეული იგივე ხებრონი მისი საძოვრებით მის ირგვლივ იუდას მთაში.

¹²და ამ ქალაქის ველი და მისი სოფლები მისცეს ქალებს, იეფუნეს ძეს.

¹³და აარონის ძეებს მისცეს თავშესაფარი ქალაქი მკვლელთათვის - ხებრონი და მისი საძოვრები, ლიბნა და მისი საძოვრები,

¹⁴იათირი და მისი საძოვრები, ეშთემოაყი და მისი საძოვრები,

¹⁵ხოლონი და მისი საძოვრები, დებირი და მისი საძოვრები,

¹⁶ყაინი და მისი საძოვრები, იუტა და მისი საძოვრები და ბეთ-შემეში და მისი საძოვრები - ცხრა ქალაქი ამ ორი ტომიდან.

¹⁷და ბენიამინის ტომიდან: გაბაონი და მისი საძოვრები, გებაყი და მისი საძოვრები,

¹⁸ყანათოთი და მისი საძოვრები, ყალმონი და მისი საძოვრები - სულ ოთხი ქალაქი.

¹⁹აარონის ძეებს, მღვდლებს, ერგოთ ცამეტი ქალაქი მათი საძოვრებითურთ.

²⁰და კეჰათის ძეთა საგვარეულოებს, ლევიანებს, დანარჩენ კეჰათიანებს, ერგოთ მათი წილისყრით ქალაქები ეფრემის ტომიდან.

²¹და მისცეს მათ თავშესაფარი ქალაქი მკვლელთათვის - შექემი და მისი საძოვრები, ეფრემის მთაზე. და გეზერი და მისი საძოვრები,

²²და კიბცაიმი და მისი საძოვრები, და ბეთ-ხორონი და მისი საძოვრები - სულ ოთხი ქალაქი.

²³დანის ტომიდან: ელთეკე და მისი საძოვრები, გიბეთონი და მისი საძოვრები,

²⁴აიალონი და მისი საძოვრები, გათ-რიმონი და მისი საძოვრები - სულ ოთხი ქალაქი.

²⁵და მენაშეს ნახევარი ტომიდან: თაყანაქი და მისი საძოვრები, გათ-რიმონი და მისი საძოვრები - ორი ქალაქი.

²⁶სულ ათი ქალაქი ერგოთ მათი საძოვრებითურთ კეჰათის ძეთა დანარჩენ საგვარეულოებს.

²⁷და გერშონის ძეთ ლევიანთა საგვარეულოებიდან, მენაშეს ნახევარი ტომიდან ერგოთ თავშესაფარი ქალაქი მკვლელთათვის - გოლანი ბაშანში და მისი საძოვრები, და ბეყეშთერა და მისი საძოვრები - სულ ორი ქალაქი.

²⁸და ისაქარის ტომიდან: კიშიონი და მისი საძოვრები, დაბრათი და მისი საძოვრები,

²⁹იარმუთი და მისი საძოვრები, ყენ-განიმი და მისი საძოვრები - ოთხი ქალაქი.

³⁰და აშერის ტომიდან: მიშალი და მისი საძოვრები, ყაბდონი და მისი საძოვრები,

³¹ხელკათი და მისი საძოვრები, რეხობი და მისი საძოვრები - სულ ოთხი ქალაქი.

³²და ნაფთალის ტომიდან თავშესაფარი ქალაქი მკვლელისთვის: კედეში გალილეაში და მისი საძოვრები, ხამოთ-დორი და მისი საძოვრები, და კართანი და მისი საძოვრები - სულ სამი ქალაქი.

³³სულ ცამეტი ქალაქი გერშონელებს, მათი საგვარეულოების მიხედვით, მათი საძოვრებით.

³⁴და მერარის ძეთა საგვარეულოებისათვის, დანარჩენ ლევიანთათვის: ზებულუნის ტომიდან: იოკნეყამი და მისი საძოვრები, კართა და მისი საძოვრები,

³⁵დიმნა და მისი საძოვრები, ნაჰალალი და მისი საძოვრები - სულ ოთხი ქალაქი.

³⁶და რეუბენის ტომიდან: ბეცერი და მისი საძოვრები, იაჰცა და მისი საძოვრები,

³⁷კედემოთი და მისი საძოვრები, მეფაყათი და მისი საძოვრები - სულ ოთხი ქალაქი.

³⁸და გადის ტომიდან: თავშესაფარი ქალაქები მკვლელთათვის - რამოთი გილყადში და მისი საძოვრები, და მახანაიმი და მისი საძოვრები.

³⁹ხეშბონი და მისი საძოვრები, იაყზერი და მისი საძოვრები - სულ ოთხი ქალაქი.

⁴⁰ყველა ქალაქი მერარის ძეთ მათი საგვარეულოების მიხედვით, დანარჩენ ლევიანთა საგვარეულოებს, წილისყრით ერგოთ თორმეტი ქალაქი.

⁴¹ლევის ძეთა ყველა ქალაქი ისრაელის ძეთა სამფლობელოში იყო ორმოცდარვა, თავიანთი საძოვრებით.

⁴²და ყველა ამ ქალაქს თავისი საძოვრები ჰქონდა ირგვლივ. ასე იყო ყოველი ამ ქალაქისთვის.

⁴³და მისცა უფალმა ისრაელს მთელი ქვეყანა, რომლის მიცემა შეჰფიცა მათ მამებს, და დაიმკვიდრეს იგი და იქ დასახლდნენ.

⁴⁴და მოასვენა ისინი უფალმა ყოველი მხრიდან, როგორც შეჰფიცა მათ მამებს. და მის მტერთაგან წინ ვეღარავინ აღუდგა. ყველა მტერი ხელში ჩაუგდო მათ უფალმა.

⁴⁵არ გაცუდებულა არც ერთი სიტყვა ყველა კეთილი სიტყვიდან, რომელიც ისრაელის სახლს უთხრა უფალმა, ყოველივე ახდა.