Read სბს–სტოკჰოლმი 2001 1 ტიმოთეს მიმართ 2 Bible Online

1 ტიმოთეს მიმართ 2 - სბს–სტოკჰოლმი 2001 bible

1 ტიმოთეს მიმართ 2

¹ამრიგად, უწინარეს ყოვლისა, შეგაგონებთ, ჰყოთ ვედრებანი, ლოცვანი, შუამდგომლობანი და მადლიერებანი ყველა ადამიანისათვის,

²მეფეებისა და ყველა მბრძანებლისათვის, რათა მშვიდად და წყნარად ვიცხოვროთ სრული ღვთისმოსაობით და პატიოსნებით,

³ვინაიდან ეს კეთილი და სათნოა ჩვენი მაცხოვარი ღვთისათვის,

⁴რომელსაც ნებავს, რომ ყველა ადამიანი გადარჩეს და მიაღწიოს ჭეშმარიტების ცოდნას.

⁵ვინაიდან ერთია ღმერთი და ერთია ღმერთსა და კაცთა შორის შუამავალი - კაცი ქრისტე იესო,

⁶რომელმაც თავი გასწირა ყველას გამოსახსნელად, რისი მოწმობაც იყო თავის დროზე,

⁷რომლისთვისაც მე დადგენილი ვარ მქადაგებლად და მოციქულად - ჭეშმარიტებას ვლაპარაკობ ქრისტეში და არ ვცრუობ, - წარმართთა მასწავლებლად რწმენასა და ჭეშმარიტებაში.

⁸ამიტომ ჩემი სურვილია, რომ ყველგან ლოცულობდნენ კაცები და აღაპყრობდნენ წმიდა ხელებს რისხვისა და ეჭვის გარეშე.

⁹ასევე დედაკაცებიც, წესიერი სამოსლით, მორცხვობით და კდემამოსილებით შეიმკონ, არა თმის დაწვნით და ოქროთი, ან მარგალიტებით, ან ძვირფასი ტანსაცმლით,

¹⁰არამედ კეთილი საქმეებით, როგორც შეჰფერით დედაკაცებს, რომლებმაც ღვთისმოსაობა ირჩიეს.

¹¹დედაკაცი უნდა სწავლობდეს მდუმარებაში სრული მორჩილებით.

¹²დედაკაცს არ ვაძლევ სწავლების ნებას, არც ქმარზე ბატონობისას, არამედ იყოს მდუმარედ.

¹³ვინაიდან პირველად ადამი შეიქმნა და მერე ევა.

¹⁴ადამი კი არ შემცდარა, არამედ დედაკაცი შეცდა და დანაშაული ჩაიდინა.

¹⁵თუმცაღა გადარჩება შვილების შობით, თუ იდგება რწმენაში, სიყვარულში და სიწმიდეში კდემამოსილებით.