Read სბს–2013 დაბადება 5 Bible Online

დაბადება 5 - სბს–2013 bible

დაბადება 5

¹ეს არის წიგნი ადამის მოდგმისა; როცა ღმერთმა შექმნა კაცი, ღვთის მსგავსად შექმნა იგი.

²კაცად და ქალად შექმნა ისინი, და აკურთხა. და უწოდა მათ სახელად „ადამიანი“ მათი შექმნის დღეს.

³ადამმა 130 წელი იცოცხლა და შეეძინა ძე, თავისი მსგავსი და თავისი ხატი, და უწოდა სახელად შეთი.

⁴შეთის შობის შემდეგ ადამმა კიდევ იცოცხლა 800 წელი, და შვა ძენი და ასულნი.

⁵და სრული ხანი ადამისა, რაც იცოცხლა, იყო 930 წელი და მოკვდა.

⁶იცოცხლა შეთმა 105 წელი და შვა ენოში.

⁷იცოცხლა შეთმა ენოშის დაბადების შემდეგ 807 წელი და კვლავ შვა ძენი და ასულნი.

⁸და სრული ხანი შეთისა იყო 912 წელი და მოკვდა.

⁹და იცოცხლა ენოშმა 90 წელი და შვა კენანი.

¹⁰იცოცხლა ენოშმა კენანის დაბადების შემდეგ 815 წელი და კვლავ შვა ძენი და ასულნი.

¹¹და სრული ხანი ენოშისა იყო 905 წელი და მოკვდა.

¹²იცოცხლა კენანმა 70 წელი და შვა მაჰალალელი.

¹³იცოცხლა კენანმა მაჰალალელის დაბადების შემდგომ 840 წელი, და კვლავ შვა ძენი და ასულნი.

¹⁴სრული ხანი კენანისა იყო 910 წელი და მოკვდა.

¹⁵იცოცხლა მაჰალალელმა 65 წელი, და შვა იარედი.

¹⁶იცოცხლა მაჰალალელმა იარედის დაბადების შემდეგ 830 წელი და კვლავ შვა ძენი და ასულნი.

¹⁷იცოცხლა მაჰალალელმა 895 წელი და მოკვდა.

¹⁸იცოცხლა იარედმა 162 წელი და შვა ენოქი.

¹⁹ენოქის დაბადების შემდეგ იცოცხლა იარედმა 800 წელი და კვლავ შვა ძენი და ასულნი.

²⁰სრული ხანი იარედისა იყო 962 წელი და მოკვდა.

²¹იცოცხლა ენოქმა 65 წელი და შვა მათუსალა.

²²და დადიოდა ენოქი ღმერთის გზით მათუსალას დაბადების შემდეგ 300 წელი და კვლავ შვა ძენი და ასულნი.

²³სრული ხანი ენოქისა იყო 365 წელი.

²⁴და დადიოდა ენოქი ღმერთის გზით; შემდეგ კი აღარსად იყო, რადგან აიყვანა იგი ღმერთმა.

²⁵იცოცხლა მათუსალამ 187 წელი და შეეძინა მას ლამექი.

²⁶იცოცხლა მათუსალამ ლამექის დაბადების შემდეგ 782 წელი და კვლავ შვა ძენი და ასულნი.

²⁷სრული ხანი მათუსალასი იყო 969 წელი და მოკვდა.

²⁸იცოცხლა ლამექმა 182 წელი, და შვა ვაჟი.

²⁹და დაარქვა მას სახელად ნოე. ასე თქვა: ეს გვანუგეშებსო ჩვენს საქმეებში და ჩვენს მძიმე ჯაფაში მიწაზე, რომელიც დაწყევლაო უფალმა.

³⁰და იცოცხლა ლამექმა ნოეს დაბადების შემდეგ 595 წელი და შვა ძენი და ასულნი.

³¹სრული ხანი ლამექისა იყო 777 წელი და მოკვდა.

³²500 წლისა იყო ნოე, როცა შვა სამი ვაჟი: სემი, ქამი და იაფეთი.