Read სბს–2013 1 ნეშტთა 24 Bible Online

1 ნეშტთა 24 - სბს–2013 bible

1 ნეშტთა 24

¹ეს იყო აარონის ძეთა დასები. აარონის ძენი იყვნენ: ნადაბი, აბიჰუ, ელეაზარი და ითამარი.

²ნადაბი და აბიჰუ მამაზე ადრე დაიხოცნენ; ორივე უძეოდ გადაეგნენ. ელეაზარი და ითამარი გახდნენ მღვდლები.

³და გაამწესა დავითმა ცადოკი, ელეაზარის ძეთაგან, და ახიმელექი, ითამარის ძეთაგან, თავ-თავიანთ სამსახურში, თავ-თავიანთი მოვალეობის მიხედვით.

⁴და აღმოჩნდა, რომ ელეაზარის შვილებში კაცები უფრო მეტნი იყვნენ, ვიდრე ითამარის შვილებში, და დაანაწილეს მათ ისინი: ელეაზარის ძეთა მამისსახლს 16 თავკაცი არგუნეს, ხოლო ითამარის ძეთა მამისსახლს – რვა.

⁵ერთმანეთში წილისყრით დაინაწილეს, რადგან საწმიდრის წინამძღოლები და ღვთისმსახურები ელეაზარისა და ითამარის ძეთაგან იყვნენ.

⁶და აღნუსხა ისინი შემაყია ნეთანელის ძემ, ლევიანთა მწიგნობარმა, მეფისა და მთავართა წინაშე, ცადოკ მღვდლისა და ახიმელექ აბიათარის ძის წინაშე, მღვდელთა და ლევიანების მამისსახლთა თავკაცების წინაშე. ერთი მამისსახლი ელეაზარს უყრიდა წილს და ერთი ითამარს უყრიდა წილს.

⁷და პირველი წილი იეჰოიარიბს შეხვდა, მეორე – იედაყიას,

⁸მესამე – ხარიმს, მეოთხე – სეყორიმს,

⁹მეხუთე – მალქიას, მეექვსე – მიამინს,

¹⁰მეშვიდე – ჰაკოცს, მერვე – აბიას,

¹¹მეცხრე – იესოს, მეათე – შექანიას,

¹²მეთერთმეტე – ელიაშიბს, მეთორმეტე – იაკიმს,

¹³მეცამეტე – ხუფას, მეთოთხმეტე – იეშებაბს,

¹⁴მეთხუთმეტე – ბილგას, მეთექვსმეტე – იმერს,

¹⁵მეჩვიდმეტე – ხეზირს, მეთვრამეტე – ჰაფიცეცს,

¹⁶მეცხრამეტე – ფეთახიას, მეოცე – ეზეკიელს,

¹⁷ოცდამეერთე – იაქინს, ოცდამეორე – გამულს,

¹⁸ოცდამესამე – დელაიას, ოცდამეოთხე – მაყაზიას.

¹⁹ეს არის მათი განაწესი, თუ როგორ უნდა მისულიყვნენ უფლის სახლში იმ სამსახურის გასაწევად, მათი მამის, აარონის, მიერ რომ იყო დაწესებული ისე, როგორც უფალმა, ისრაელის ღმერთმა, უბრძანა მას.

²⁰ლევის დანარჩენ ძეთაგან იყვნენ: ყამრამის ძეთაგან – შუბაელი, შუბაელის ძეთაგან – იეხდეია,

²¹რეხაბიანთაგან – რეხაბიას ძეთაგან იშია იყო თავკაცი.

²²იცჰარელთაგან – შელომოთი, შელომოთის ძეთაგან – იახათი.

²³ხებრონის ძეთაგან – იერია, ამარია – მეორე, იახაზიელი – მესამე, იეკამეყამი – მეოთხე.

²⁴ყუზიელის ძეთაგან – მიქა, მიქას ძეთაგან – შამირი.

²⁵მიქას ძმა იყო იშია. იშიას ძეთაგან – ზაქარია.

²⁶მერარის ძენი: მახლი და მუში. იაყაზიას ძეთაგან: ბენო.

²⁷მერარის ძენი იაყაზიაჰუსგან: ბენო, შოჰამი, ზაქური და ყიბრი.

²⁸მახლისგან: ელეაზარი, რომელსაც ვაჟები არ ჰყოლია.

²⁹კიშისგან: კიშის ძე იერახმეელი.

³⁰მუშის ძენი: მახლი, ყედერი, იერიმოთი. ესენი არიან ლევიანები, თავ-თავიანთი მამისსახლების მიხედვით.

³¹მამისსახლთა თავკაცებმა უმცროსი ძმების თანასწორად ყარეს წილი თავიანთი ძმების – აარონიანების – მსგავსად, მეფე დავითის, ცადოკის, ახიმელექის, მღვდლებისა და ლევიანების მამისსახლთა თავკაცების წინაშე.