Read სბს–2013 1 ნეშტთა 4 Bible Online

1 ნეშტთა 4 - სბს–2013 bible

1 ნეშტთა 4

¹იუდას ძენი: ფერეცი, ხეცრონი, ქარმი, ხური და შობალი.

²შობალის ძემ, რეაიამ, შვა იახათი, იახათმა შვა ახუმაი და ლაჰადი. ესენი არიან ცორყათელთა საგვარეულონი.

³აი ყეტამის მამის ძენი: იზრეყელი, იშმა, იდბაში. მათ დას ჰაცელელფონი ერქვა.

⁴ფენუელი, გედორის მამა და ყეზერი, ხუშას მამა, ესენი არიან ხურის ძენი, ეფრათას პირმშოსი, ბეთლემის მამისა.

⁵აშხურს, თეკოაყის მამას, ორი ცოლი ჰყავდა: ხელა და ნაყარა.

⁶ნაყარასგან შეეძინა: ახუზამი, ხეფერი, თემნი და ჰაახაშთარი. ესენი იყვნენ ნაყარას ძენი.

⁷ხელას ძენი: ცერეთი, იეცხარი და ეთნანი.

⁸კოცმა შვა ყანუბი და ცობება და ჰარუმის ძის, ახარხელის, საგვარეულონი.

⁹იაყბეცი თავის ძმებზე უფრო პატივდებული იყო. იაყბეცი დედამისმა დაარქვა, ასე თქვა: რადგან ტკივილით გავაჩინეო.

¹⁰მოუხმო იაყბეცმა ისრაელის ღმერთს და უთხრა: „ნეტა მაკურთხებდე და საზღვრებს გამიდიდებდე, შენი ხელი ჩემთან იქნებოდეს და ბოროტებისაგან დამიცავდე, რომ არ გავიტანჯო.“ და მისცა ღმერთმა, რასაც ითხოვდა.

¹¹ხოლო ქელუბმა, შუხას ძმამ, შვა მეხირი, ეშთონის მამა.

¹²ეშთონმა შვა ბეთ-რაფა, ფასეახი და ყირ-ნახაშის მამა თეხინა. ესენი არიან რექას მცხოვრებნი.

¹³კენაზის ძენი: ღოთნიელი და სერაია. ღოთნიელის ძე იყო ხათათი და მეყონათაი.

¹⁴მეყონოთაიმ შვა ყოფრა. სერაიამ შვა იოაბი, მამა ხუროთა ველისა, რადგან ხუროები იყვნენ.

¹⁵იეფუნეს ძის, ქალების, ძენი: ყირუ, ელა და ნაყამი; ელას ძე იყო კენაზი.

¹⁶იეჰალელის ძენი: ზიფი და ზიფა, თირია და ასარელი.

¹⁷ყეზრას ძენი: იეთერი, მერედი, ყეფერი და იალონი. იეთერმა შვა მირიამი, შამაი და იშბახი, ეშთემოაყის მამა.

¹⁸იეჰუდიას, მის ცოლს, შეეძინა იერედი – მამა გედორისა, და ხებერი – მამა სოქოსი, და იეკუთიელი – მამა ზანოახისა. ესენი არიან ძენი ბითიასი, ფარაონის ასულისა, რომელიც შეირთო მერედმა.

¹⁹მისი ცოლის, ჰოდიას, კეყილის მამის – ნახამის დის ვაჟები: კეყილას მამა გარმელი და ეშთემოაყ მაყაქათელი.

²⁰შიმონის ძენი: ამნონი, რინა, ბენ-ხანანი და თილონი. იშყის ძენი: ზოხეთი და ბენ-ზოხეთი.

²¹იუდას ძის, შელახის ვაჟები: ყერი – ლექას მამა, ლაყადა – მარეშას მამა და მესელეთა საგვარეულოები ბეთ-აშბეაყიდან.

²²იოკიმი და ქოზებას კაცები, იოაში და სარაფი მოაბსა და იაშუბი-ლახემს ფლობდნენ. ეს ძველი ამბებია.

²³ისინი მეთუნეები იყვნენ და. ნეტაყიმსა და გედერაში სახლობდნენ, მეფესთან ცხოვრობდნენ და მისთვის შრომობდნენ.

²⁴სიმეონის ძენი: ნემუელი, იამინი, იარიბი, ზერახი და შაული;

²⁵მისი ძე შალუმი, მისი ძე მიბსამი, მისი ძე მიშმაყი.

²⁶მიშმაყის ძენი: მისი ძე ხამუელი, მისი ძე ზაქური, მისი ძე შიმეყი.

²⁷შიმეყის 16 ვაჟი და ექვსი ქალი ჰყავდა. მის ძმებს ბევრი ვაჟები არ ჰყოლიათ და არც მათი საგვარეულო იყო იუდას ძეთა საგვარეულოსავით მრავალრიცხოვანი.

²⁸ისინი ცხოვრობდნენ ბეერ-შებაყში, მოლადასა და ხაცარ-შუყალში,

²⁹ბილჰაში, ყეცემში, თოლადში,

³⁰ბეთუელში, ხორმაში, ციკლაგში,

³¹ბეთ-მარქაბოთში, ხაცარ-სუსიმში, ბეთ-ბირსა და შაყარაიმში. აჰა, მათი ქალაქები დავითის გამეფებამდე.

³²მათი დასახლებები: ყეტამი, ყაინი, რიმონი, თოქენი, ყაშანი – ხუთი ქალაქი.

³³ასევე ყველა ის სოფლები, რომლებიც ამ ქალაქებს ეკვროდა ვიდრე ბაყალამდე. აჰა, მათი საცხოვრებელი და მათი საგვარტომო ნუსხა.

³⁴მეშობაბი, იამლექი, იოშა ამაციას ძე,

³⁵იოელი და იეჰუ, ძე იოშიბიასი, სერაიას ძისა, ყასიელის ძისა.

³⁶ელიოყენაი, იაყაკობა, იეშოხაია, ყასაია, ყადიელი, იეშიმიელი, ბენაია.

³⁷ზიზა, ძე შიფყისა, ძისა ალონისა, ძისა იედაიასი, ძისა შიმრისა, ძისა შემაყიასი.

³⁸ესენი, სახელებით რომ არიან ჩამოთვლილნი, თავ-თავიანთი საგვარეულოების მთავრები იყვნენ. მათი მამისსახლი ძალიან გაიზარდა.

³⁹მათ გედორისაკენ გასწიეს, ველის აღმოსავლეთით, თავიანთი ცხვრისთვის საძოვრების საძებნელად

⁴⁰და პოხიერსა და კარგ საძოვარს მიაგნეს. ვრცელი ქვეყანა იყო, თან მშვიდი და მყუდრო, რადგან უწინ აქ ქამის შთამომავლები ცხოვრობდნენ.

⁴¹ისინი, სახელებით რომ იყვნენ ჩამოწერილნი, იუდას მეფის ხიზკიას დღეებში მოვიდნენ, და გაანადგურეს მათი კარვები და იქ მყოფი მეყუნიმელნი. იმ დღეს ერთიანად ამოწყვიტეს ისინი და მათ ნაცვლად დასახლდნენ, რადგან იქ იყო მათი ცხვრის საძოვრები.

⁴²მათგან – სიმეონის ძეთაგან – 500 კაცი სეყირის მთისკენ გაეშურა იშყის ძეთა: ფელატიას, ნეყარიას, რეფაიას და ყუზიელის მეთაურობით.

⁴³და გაანადგურეს ყამალეკის დარჩენილი ნატამალი და დღემდე იქ ცხოვრობენ.