Read სბს–2013 1 ნეშტთა 5 Bible Online

1 ნეშტთა 5 - სბს–2013 bible

1 ნეშტთა 5

¹ძენი რეუბენისა, ისრაელის პირმშოსი; იგი პირმშო იყო, მაგრამ, როცა მამის სარეცელი შებილწა, მისი პირმშოობა გადაეცა, ისრაელის ძის, იოსების ძეთ, თუმცა არა იმისათვის, რომ პირმშოდ ჩაწერილიყვნენ;

²იუდა ძლიერი იყო თავის ძმებში და წინამძღვარიც მისგან იყო, პირმშოობა კი იოსებზე გადავიდა.

³აი ძენი რეუბენისა, ისრაელის პირმშოსი: ენოქი, ფალუ, ხეცრონი და ქარმი.

⁴აი იოელის მოდგმა: მისი ძე იყო შემაყია, მისი ძე – გოგი, მისი ძე – შიმეყი,

⁵მისი ძე – მიქა, მისი ძე – რეაია, მისი ძე – ბაყალი,

⁶მისი ძე – ბეერა, რომელიც ტყვედ წაიყვანა აშურის მეფე თილგათ-ფილნესერმა, ის იყო რეუბენის ძეთა წინამძღოლი.

⁷მისი ძმები, მათი საგვარეულოებისა და საგვარტომო ნუსხის მიხედვით იყვნენ: უფროსი იეყიელი, ზაქარია,

⁸ბელაყი, ძე ყაზაზისა, ძე შემაყისა, ძე იოელისა. იგი ყაროყერში ცხოვრობდა, ნებომდე და ბაყალ-მეყონამდე.

⁹აღმოსავლეთით ცხოვრობდა მდინარე ევფრატიდან მოყოლებული უდაბნოს პირამდე, რადგან დიდძალი საქონელი ჰყავდათ გალაადის ქვეყანაში.

¹⁰საულის დროს ისინი აგარიანელებს ეომებოდნენ, რომლებიც მათ მოსპეს და დასახლდნენ მათ კარვებში, გალაადის მთელ აღმოსავლეთ მხარეში.

¹¹გადის ძენი მათ მეზობლად ცხოვრობდნენ ბაშანის ქვეყანაში სალქამდე,

¹²უფროსი – იოელი, მომდევნონი: შაფამი, იაყნაი და შაფატი ბაშანში ცხოვრობდნენ.

¹³მათი ძმები, თავ-თავიანთი მამისსახლიდან: მიქაელი, მეშულამი, შებაყი, იორაი, იაყქანი, ზიაყი, ყებერი და შიბყა.

¹⁴აჰა, ძენი აბიხაილისა, ხურის ძისა, იაროახის ძისა, გალაადის ძისა, მიქაელის ძისა, იეშიშაის ძისა, იახდოს ძისა, ბუზის ძისა.

¹⁵ახი, ძე ყაბდიელისა, ძე გუნისა, მათი მამისსახლის თავკაცი.

¹⁶ისინი ცხოვრობდნენ გალაადში, ბაშანსა და მის კუთვნილ ქალაქებში, ასევე შარონის მთელ სანახებში თვით საზღვრის პირამდე.

¹⁷ყველანი აღირიცხნენ იუდას მეფის, იოთამის, დროს და იერობოყამის, ისრაელის მეფის, დროს.

¹⁸რეუბენის ძეებში, გადის ძეებში და მანაშეს ნახევარტომში იყვნენ გულადი ვაჟკაცები, რომელნიც ფარსა და მახვილს ატარებდნენ, მშვილდოსნობდნენ და ბრძოლაში იყვნენ ნაწრთობნი. მათგან რიცხვით 44760 გამოდიოდა საომრად.

¹⁹ისინი ეომებოდნენ აგარიანელთ, იეტურს, ნაფიშს და ნოდაბს.

²⁰შეწევნა მიიღეს მტრის წინააღმდეგ ბრძოლაში და ხელში ჩაიგდეს აგარიანელები, მთელი მათი სარჩო-საბადებლითურთ, რადგან ღმერთს მოუხმეს და მანაც უსმინა მათ, რაკი მასზე იყვნენ მინდობილნი.

²¹და წამოასხეს მათი პირუტყვი: 50 ათასი აქლემი, 250 ათასი წვრილფეხა, 2 ათასი ვირი და 100 ათასი ტყვე;

²²მრავალი განგმირული დაეცა! რადგან ღვთისაგან იყო ის ომი! და სახლობდნენ რეუბენის ძენი აგარიანთა ადგილებში, მათს ტყვეობამდე.

²³და მანაშეს ნახევარტომიც დასახლდა იმ ქვეყანაში: ბაშანიდან ბაყალ-ხერმონამდე, სენირამდე და ხერმონის მთამდე. მრავალრიცხოვანნი იყვნენ ისინი.

²⁴აი მათი მამისსახლთა თავკაცები: ყეფერი, იშყი, ელიელი, ყაზრიელი, იერემია, ჰოდავია, იახდიელი – მამაცი ვაჟკაცები, მამისსახლის სახელოვანი თავკაცები.

²⁵როცა მათ ზურგი აქციეს მამათა ღმერთს და გზააბნეულნი გაჰყვნენ იმ ქვეყნის ხალხის ღმერთებს, მათგან რომ განდევნა ღმერთმა,

²⁶მაშინ აღძრა ისრაელის ღმერთმა ფულის, აშურის მეფის, სული და აშურის მეფის თილგათ-ფილნესერის სული და გადაასახლა რეუბენის ძენი, გადის ძენი და მანაშეს ნახევარტომი, და ჩაასახლა ისინი ხალახში, ხაბორში, ჰარაში, და მდინარე გოზანთან, დღემდე.

²⁷ლევის ძენი: გერშონი, კოჰათი და მერარი.

²⁸კოჰათის ძენი: ყამრამი, იცჰარი, ხებრონი და ყუზიელი.

²⁹ყამრამის ძენი: აარონი, მოსე, მირიამი. აარონის ძენი: ნადაბი, აბიჰუ, ელეაზარი და ითამარი,

³⁰ელეაზარმა შვა ფინეხასი, ფინეხასმა შვა აბიშუაყი,

³¹აბიშუაყმა შვა ბუკი, ბუკმა შვა ყუზი,

³²ყუზიმ შვა ზერახია, ზერახიამ შვა მერაიოთი,

³³მერაიოთმა შვა ამარია, ამარიამ შვა ახიტუბი.

³⁴ახიტუბმა შვა ცადოკი, ცადოკმა შვა ახიმაყაცი,

³⁵ახიმაყაცმა შვა ყაზარია, ყაზარიამ შვა იოხანანი.

³⁶იოხანანმა შვა ყაზარია, – ეს იმ ტაძრის მღვდელი იყო, რომელიც სოლომონმა ააშენა იერუსალიმში.

³⁷ყაზარიამ შვა ამარია, ამარიამ შვა ახიტუბი,

³⁸ახიტუბმა შვა ცადოკი, ცადოკმა შვა შალუმი,

³⁹შალუმმა შვა ხილკია, ხილკიამ შვა ყაზარია,

⁴⁰ყაზარიამ შვა სერაია, სერაიამ შვა იეჰოცადაკი.

⁴¹იეჰოცადაკი ტყვედ წაიყვანეს, როცა უფალმა იუდა და იერუსალიმი ნაბუქოდონოსორის ხელით გაასახლა.