Read სბს–2013 1 ნეშტთა 6 Bible Online

1 ნეშტთა 6 - სბს–2013 bible

1 ნეშტთა 6

¹ლევის ძენი: გერშომი, კოჰათი და მერარი;

²გერშომის ძეთა სახელები: ლიბნი და შიმეყი.

³კოჰათის ძენი: ყამრამი იცჰარი, ხებრონი და ყუზიელი.

⁴მერარის ძენი: მახლი და მუში. აჰა, ლევის საგვარეულონი, თავ-თავიანთი მამისსახლების მიხედვით.

⁵გერშომის ძე იყო ლიბნი, მისი ძე იყო იახათი, მისი ძე იყო ზიმა,

⁶მისი ძე იყო იოახი, მისი ძე იყო ყიდო, მისი ძე იყო ზერახი, მისი ძე იყო იეათრაი.

⁷ხოლო კოჰათის ძე იყო ყამინადაბი, მისი ძე იყო კორახი, მისი ძე იყო ასირი,

⁸მისი ძე იყო ელკანა, მისი ძე იყო ებიასაფი, მისი ძე იყო ასირი,

⁹მისი ძე იყო თახათი, მისი ძე იყო ურიელი, მისი ძე იყო ყუზია, მისი ძე იყო შაული.

¹⁰ელკანას ძენი იყვნენ: ყამასაი და ახიმოთი.

¹¹ახიმოთის ძე იყო ელკანა, მისი ძე იყო ცოფაი, მისი ძე იყო ნახათი,

¹²მისი ძე იყო ელიაბი, მისი ძე იყო იეროხამი, მისი ძე იყო ელკანა.

¹³ხოლო სამუელის ძენი იყვნენ: იოელი – პირმშო და მისი მომდევნო აბია.

¹⁴მერარის ძე იყო მახლი, მისი ძე იყო ლიბნი, მისი ძე იყო შიმეყი, მისი ძე იყო ყუზა,

¹⁵მისი ძე იყო შიმეყა, მისი ძე იყო ხაგია, მისი ძე იყო ყასაია.

¹⁶აჰა, ისინი, რომლებიც მგალობლებად დაადგინა დავითმა უფლის სახლში, მას შემდეგ, რაც კიდობანი დაასვენა იქ.

¹⁷ისინი სადღესასწაულო კარავთან ასრულებდნენ სამსახურს გალობით, სანამ სოლომონი იერუსალიმში უფლის ტაძარს აშენებდა. ისინი თავიანთი სამსახურის წესისამებრ იდგნენ.

¹⁸აჰა, ისინი, ვინც სამსახურს ეწეოდნენ, და მათი ძენი: კოჰათის ძეთაგან იყო ჰემანი – მგალობელი, იოელის ძე, ძისა სამუელისა,

¹⁹ძისა ელკანასი, ძისა იეროხამისა, ძისა ელიელისა, ძისა თოახისა,

²⁰ძისა ცუფისა, ძისა ელკანასი, ძისა მახათისა, ძისა ყამასაისი,

²¹ძისა ელკანასი, ძისა იოელისა, ძისა ყაზარიასი, ძისა ცეფანიასი,

²²ძისა თახათისა, ძისა ასირისა, ძისა ებიასაფისა, ძისა კორახისა,

²³ძისა იცჰარისა, ძისა კოჰათისა, ძისა ლევისა, ძისა ისრაელისა,

²⁴და მისი ძმა ასაფი, მის მარჯვნივ იდგა. და იყო ასაფი ბერექიას ძე, შიმეყას ძისა,

²⁵ძისა მიქაელისა, ძისა ბაყასეიასი, ძისა მალქიასი,

²⁶ძისა ეთნისა, ძისა ზერახისა, ძისა ყადაიასი,

²⁷ძისა ეთანისა, ძისა ზიმასი, ძისა შიმეყისა,

²⁸ძისა იახათისა, ძისა გერშომისა, ძისა ლევისა.

²⁹მერარის ძენი, მათი ძმები, მარცხნივ რომ იდგნენ: ეთან კიშის ძე, ძისა ყაბდისა, ძისა მალუქისა,

³⁰ძისა ხაშაბიასი, ძისა ამაციასი, ძისა ხილკიასი,

³¹ძისა ამცისა, ძისა ბანისა, ძისა შემერისა,

³²ძისა მახლისა, ძისა მუშისა, ძისა მერარისა, ძისა ლევისა.

³³მათი ძმები – ლევიანები – ღვთის სახლის სავანის ყველანაირი სამსახურისთვის იყვნენ გამწესებულნი.

³⁴აარონი და მისი ძენი სრულადდასაწველის სამსხვერპლოზე და საკმევლის სამსხვერპლოზე აკმევდნენ, წმიდათა წმიდაში ყველა საქმეს აკეთებდნენ და ყველაფერს ისე ასრულებდნენ ისრაელის განსაწმედად, როგორც ბრძანა ღვთის მსახურმა მოსემ,

³⁵აჰა, ესენი არიან აარონის ძენი: მისი ძე იყო ელეაზარი, მისი ძე იყო ფინეხასი, მისი ძე იყო აბიშუაყი,

³⁶მისი ძე იყო ბუკი, მისი ძე იყო ყუზი, მისი ძე იყო ზერახია,

³⁷მისი ძე იყო მერაიოთი, მისი ძე იყო ამარია, მისი ძე იყო ახიტუბი,

³⁸მისი ძე იყო ცადოკი, მისი ძე იყო ახიმაყაცი.

³⁹ეს მათი საცხოვრებელი, მათი დაბებისა და საზღვრის მიხედვით ერგოთ აარონის ძეთ, კოჰათელთა საგვარეულოდან წილისყრით მათ ეკუთვნოდათ.

⁴⁰და მისცეს მათ ხებრონი, იუდას ქვეყანაში, თავისი სანახებითა და შემოგარენითურთ.

⁴¹ამ ქალაქის მინდორ-ველი და სოფლები ქალებს მისცეს, იეფუნეს ძეს.

⁴²აარონის ძეთ მისცეს თავშესაფარი ქალაქები: ხებრონი, ლიბნა თავისი სანახებით, იათირი და ეშთემოაყი თავისი სანახებით,

⁴³ხილენი თავისი სანახებით, დებირი თავისი სანახებით,

⁴⁴ყაშანი თავისი სანახებით, ბეთ-შემეში თავისი სანახებით.

⁴⁵ბენიამინის ტომიდან: გებაყი თავისი სანახებით, ყალემეთი თავისი სანახებით, ყანათოთი თავისი სანახებით. მათ საგვარეულოებში სულ 13 ქალაქი იყო.

⁴⁶ხოლო დანარჩენი კოჰათიანებს, ამ ტომის საგვარეულოდან, მანაშეს ნახევარტომის ნახევრიდან ათი ქალაქი ერგოთ წილისყრით.

⁴⁷გერშომიანებს, თავ-თავიანთი საგვარეულოების მიხედვით, ისაქარის, აშერის, ნაფთალისა და მანაშეს ტომებიდან 13 ქალაქი ერგოთ ბაშანში.

⁴⁸მერარიანებს, თავ-თავიანთი საგვარეულოების მიხედვით, რეუბენის, გადისა და ზებულუნის ტომებიდან 12 ქალაქი შეხვდათ წილისყრით.

⁴⁹ეს ქალაქები მისცეს თავისი სანახებით ისრაელის ძეებმა ლევიანებს.

⁵⁰წილისყრით მისცეს იუდას, სიმეონისა და ბენიამინის ძეთა ტომებიდან ის ქალაქები, რომელთაც სახელები ერქვათ.

⁵¹კოჰათიანთა საგვარეულოებმა თავიანთი სასაზღვრო ქალაქები ეფრემის ტომისაგან მიიღეს.

⁵²მათვე მისცეს თავშესაფარი ქალაქები: შექემი – ეფრემის მთაზე, თავისი სანახებით, გეზერი თავისი სანახებით,

⁵³იოკმეყამი თავისი სანახებით, ბეთ-ხორონი თავისი სანახებით,

⁵⁴აიალონი თავისი სანახებით და გათ-რიმონი თავისი სანახებით.

⁵⁵მანაშეს ნახევარტომიდან – ყანერი თავისი სანახებით და ბალაამი თავისი სანახებით მისცეს კოჰათიანთა დანარჩენ საგვარეულოებს.

⁵⁶გერშომიანებს, მანაშეს ნახევარტომის საგვარეულოდან, ბაშანში მისცეს: გოლანი თავისი სანახებით და ყაშთაროთი თავისი სანახებით.

⁵⁷ისაქარის ტომიდან მისცეს კედეში თავისი სანახებით, დაბრათი თავისი სანახებით,

⁵⁸რამოთი თავისი სანახებით, ყანემი თავისი სანახებით.

⁵⁹აშერის ტომიდან მისცეს: მაშალი თავისი სანახებით, ყაბდონი თავისი სანახებით.

⁶⁰ხუკოკი თავისი სანახებით, რეხობი თავისი სანახებით.

⁶¹ნაფთალის ტომიდან მისცეს კედეში გალილეაში თავისი სანახებით, ხამონი თავისი სანახებით და კირიათაიმი თავისი სანახებით.

⁶²დანარჩენ მერარიანებს კი ზებულუნის ტომიდან მისცეს რიმონო თავისი სანახებით და თაბორი თავისი სანახებით.

⁶³იორდანეს გადაღმა, იერიხოსთან, იორდანეს აღმოსავლეთით რეუბენის ტომიდან მისცეს: ბეცერი უდაბნოში თავისი სანახებით, და იაჰცა თავისი სანახებით.

⁶⁴კედემოთი თავისი სანახებით და მეფაყათი თავისი სანახებით.

⁶⁵გადის ტომიდან მისცეს რამოთი გალაადში თავისი სანახებით, და მახანაიმი თავისი სანახებით,

⁶⁶და ხეშბონი თავისი სანახებით და იაყზერი თავისი სანახებით.