Read სბს–2013 ნეემია 10 Bible Online

ნეემია 10 - სბს–2013 bible

ნეემია 10

¹აჰა, ისინი, ვინც ბეჭდები დაუსვეს: ნეემია ხაქალიას ძე – განმგებელი, ცედეკია,

²სერაია, ყაზარია, იერემია,

³ფაშხური, ამარია, მალქია,

⁴ხატუში, შებანია, მალუქი,

⁵ხარიმი, მერემოთი, ყობადია,

⁶დანიელი, გინეთონი, ბარუქი,

⁷მეშულამი, აბია, მიამინი,

⁸მაყაზია, ბილგაი, შემაყია – ესენი მღვდლები იყვნენ.

⁹და ლევიანები: იესო აზანიას ძე, ბინუი ხენადადის ძე, კადმიელი.

¹⁰და მათი ძმები: შებანია, ჰოდია, კელიტა, ფელაია, ხანანი,

¹¹მიქა, რეხობი, ხაშაბია,

¹²ზაქური, შერებია, შებანია,

¹³ჰოდია, ბანი, ბენინუ.

¹⁴ხალხის თავკაცები: ფარყოში, ფახათ-მოაბი, ყელამი, ზათუ, ბანი,

¹⁵ბუნი, ყაზგადი, ბებაი,

¹⁶ადონია, ბიგვაი, ყადინი,

¹⁷ატერი, ხიზკია, ყაზური,

¹⁸ჰოდია, ხაშუმი, ბეცაი,

¹⁹ხარიფი, ყანათოთი, ნებაი,

²⁰მაგფიყაში, მეშულამი, ხეზირი,

²¹მეშეზაბელი, ცადოკი, იადუაყი,

²²ფელატია, ხანანი, ყანაია,

²³ჰოშეაყი, ხანანია, ხაშუბი,

²⁴ჰალოხეში, ფილხა, შობეკი,

²⁵რეხუმი, ხაშაბნა, მაყასეია,

²⁶ახია, ხანანი, ყანანი,

²⁷მალუქი, ხარიმი და ბაყანა.

²⁸და დანარჩენი ხალხი, მღვდლები, ლევიანები, კარისმცველნი, მგალობელნი, ტაძრის მსახურები და ყველა სხვა ქვეყნების ხალხებს გამორიდებულნი და ღვთის რჯულისაკენ მოქცეულნი, მათი ცოლები, მათი ძეები, მათი ასულები ყველა მცოდნე და გამგები

²⁹შეუერთდნენ თავიანთ ძმებს, თავიანთ დიდებულებს, და წყევლითა და ფიცით შეიკრნენ, რათა ევლოთ ღვთის რჯულით, რომელიც მოსეს, ღვთის მსახურის, ხელით იყო მოცემული, და დაეცვათ და შეესრულებინათ უფლის, ჩვენი ღმერთის, ყველა მცნება, მისი სამართალი და მისი წესები,

³⁰და რათა არ მიგვეცა ჩვენი ასულები სხვა ქვეყნის ხალხებისთვის და არც მათ ასულებს შევართვევინებდით ჩვენს ძეებს.

³¹და რათა ქვეყნის სხვა ხალხთაგან, რომელთაც შაბათობით მოაქვთ გასაყიდად საქონელი და ყველანაირი საზრდო, არაფერი შეგვეძინა შაბათსა და წმიდა დღეს; და ყოველ მეშვიდე წელს თანანადები მიგვეტევებინა.

³²და წესად დავიდეთ, რომ წელიწადში გაგვეღო შეკელის მესამედი ჩვენი ღვთის სახლის სამსახურისათვის:

³³საწინაშეო პურისათვის, ყოველდღიურ პურთათვის და მუდმივი ძღვენისათვის, მუდმივი სრულადდასაწველისათვის, შაბათებისათვის, ახალმთვარობებისათვის, დღესასწაულებისათვის და წმიდა ნივთებისათვის, ისრაელის ცოდვის გამომსყიდველი მსხვერპლებისა და ჩვენი ღვთის სახლის ყოველნაირი საქმისათვის.

³⁴და წილი ვუყარეთ მღვდლებს, ლევიანებს და ხალხს შესაწირავი შეშის მოზიდვაზე, რათა ღვთის სახლში ეზიდათ მამისსახლთა მიხედვით დაწესებულ დროს, წლითიწლობით უფლის, ჩვენი ღმერთის, სამსხვერპლოზე დასაწვავად, როგორც რჯულში სწერია.

³⁵და ჩვენ ვიკისრეთ ჩვენი მიწის პირველნაყოფისა და ყოველი ხეხილის პირველნაყოფის წლითიწლობით უფლის სახლში მიტანა,

³⁶ასევე ჩვენი ძეებიდან პირმშოების, ჩვენი პირუტყვიდან პირველმოგებულებისა, როგორც რჯულში სწერია, და ჩვენი ცხვარ-ძროხის პირველმოგებულების მიყვანა მღვდლებთან, ღვთის სახლში რომ მსახურობენ.

³⁷ასევე ჩვენი პირველი ცომისა, ჩვენი შესაწირავისა, ყველა ხეხილის ნაყოფისა, მაჭრისა და ზეთისა მღვდლებთან, ღვთის სახლის ოთახებში მიტანა. ასევე ჩვენი მიწიდან მეათედისა ლევიანთათვის; სწორედ ეს ლევიანები არიან, მეათედს რომ იღებენ ყველა ჩვენი სამიწათმოქმედო ქალაქებიდან.

³⁸აარონიანი მღვდელი იქნება ლევიანებთან, როცა ლევიანები მეათედს მიიღებენ. ლევიანები ამ მეათედიდან მეათედს ჩვენი ღვთის სახლის საგანძურის ოთახებში მიიტანენ,

³⁹რადგან ისრაელის ძეთ და ლევიანებმა ამ ოთახებში უნდა მიიტანონ ხორბლის შესაწირავი, ღვინო და ზეთი. იქ არის საწმიდრის ჭურჭელი, და იქ არიან მღვდლები და ტაძრის მსახურები, კარისმცველები და მგალობლები. და არ მივატოვებთ ჩვენი ღვთის სახლს.