Read სბს–2013 ფსალმუნები 10 Bible Online

ფსალმუნები 10 - სბს–2013 bible

ფსალმუნები 10

¹დავითის საგალობელი. რვაძალიან საკრავზე. გუნდის ლოტბარს. ფსალმუნი დავითისა. უფალს ვარ მინდობილი; როგორ ეუბნებით ჩემს სულს: „ფრინველივით გაფრინდი მთაზე;“

²რადგან აგერ, ბოროტნი მოზიდავენ მშვილდს, ლარზე ამაგრებენ ისარს, რომ სიბნელიდან ესროლონ გულმართლებს.

³თუ საძირკველი დანგრეულია, მართალმა რა ქნას?

⁴უფალი თავის წმიდა ტაძარშია, ცაშია უფლის ტახტი; მისი თვალები ჭვრეტენ, მისი ქუთუთოები ამოწმებენ ადამის შვილებს.

⁵უფალი გამოსცდის მართალსა და ბოროტს, ძალადობის მოყვარული სძულს მის სულს.

⁶აწვიმებს ბოროტებზე ცეცხლსა და გოგირდს; ქარბორბალაა მათი ხვედრი.

⁷რადგან მართალია უფალი; მას უყვარს სიმართლე. გულწრფელნი იხილავენ მის სახეს.