Read სბს–2013 ფსალმუნები 107 Bible Online

ფსალმუნები 107 - სბს–2013 bible

ფსალმუნები 107

¹გალობა. ფსალმუნი. დავითისა. მზად არის ჩემი გული, ღმერთო, მსურს გაქო და გიგალობო; გამოიღვიძე, სულო ჩემო!

²გამოიღვიძე, ჩანგო და ქნარო! გამოვაღვიძებ ცისკარს!

³გადიდებ, უფალო, ხალხებს შორის, გიგალობებ ერებს შორის,

⁴რადგან ზეცაზე დიდია წყალობა შენი და ღრუბლებამდეა ჭეშმარიტება შენი.

⁵ამაღლდი ცათა ზემოთ, ღმერთო, მთელ ქვეყნიერებას გასწვდეს შენი დიდება!

⁶რათა გადარჩნენ საყვარელნი შენნი; მიხსენ შენი მარჯვენით და მიპასუხე!

⁷ღმერთმა თქვა თავის სწმიდეში: ვიზეიმებ! გავანაწილებ შექემს და სუქოთის დაბლობს გავზომავ.

⁸ჩემია გალაადი, ჩემია მანაშე, ეფრემი ჩაჩქანია ჩემი თავისა, იუდა – კვერთხი ჩემი.

⁹მოაბი ავზია ჩემი განსაბანი, ედომს მისწვდებიან ხამლნი ჩემნი, ფილისტიმს დავკივლებ.

¹⁰ვინ შემიყვანს გამაგრებულ ქალაქში? ვინ წამიძღვება ედომისაკენ?

¹¹ნუთუ შენ არა, ღმერთო, ნუთუ მიგვატოვე და აღარ გამოხვალ ჩვენს მხედრობასთან?

¹²მოგვეც შეწევნა გასაჭირში, რადგან ამაოა შველა კაცთაგან!

¹³ღმერთით შევქმნით ლაშქარს, ის დათრგუნავს ჩვენს მტრებს.