Read სბს–2013 ფსალმუნები 139 Bible Online

ფსალმუნები 139 - სბს–2013 bible

ფსალმუნები 139

¹გუნდის ლოტბარს. ფსალმუნი დავითისა. მიხსენ, უფალო, ბოროტი ადამიანისაგან, მოძალადე კაცისაგან დამიფარე!

²რადგან ბოროტებას იზრახავენ ისინი გულში და ყოველდღე საომრად ემზადებიან.

³გველივით მოილესეს ენები, ასპიტის შხამია მათ ბაგეებს ქვეშ.

⁴დამიცავი, უფალო, ბოროტთა ხელისაგან, მოძალადე კაცთაგან დამიფარე, რომელთაც განიზრახეს ჩემი ნაბიჯების დაბრკოლება!

⁵გამიმზადეს ამპარტავნებმა მახე და საბელი, ბადე განართხეს გზაზე, ხაფანგი დამიგეს. –

⁶ვუთხარი უფალს: „ჩემი ღმერთი ხარ; ისმინე, უფალო, ხმა ჩემი ვედრებისა!“

⁷უფალო, ღმერთო ჩემო, ძალავ ჩემი ხსნისა! შენ დაიფარე ჩემი თავი ბრძოლის დღეს!

⁸ნუ აღასრულებ, უფალო, ბოროტის გულისწადილს, მის ბოროტ ზრახვას ნუ მისცემ გზას,

⁹დაფაროს ჩემს გარემომცველთა თავი მათ ბაგეთა ბოროტებამ;

¹⁰გავარვარებული ნაკვერჩხლები დაეფრქვეთ თავზე, ჩაინთქნენ ისინი ღრმა ორმოში, რომ ვეღარ წამოდგნენ!

¹¹ავსიტყვა კაცი ნუ გაძლებს ქვეყანაზე, მოძალადე კაცი ბოროტებამ მოინადიროს ძირს დასაცემად!

¹²ვიცი, რომ განიკითხავს უფალი გლახაკს და მისცემს სამართალს უპოვართ.

¹³ხოლო მართალნი მადლს შესწირავენ შენს სახელს, და წრფელნი დამკვიდრდებიან შენს წინაშე.