Read სბს–2013 ფსალმუნები 142 Bible Online

ფსალმუნები 142 - სბს–2013 bible

ფსალმუნები 142

¹ნუ შეხვალ სამართალში შენს მსახურთან, რადგან ვერ გამართლდება შენს წინაშე ვერავინ.

²რადგან დევნა მტერმა ჩემი სული, მიწაზე დაანარცხა ჩემი სიცოცხლე, დამსვა ბნელეთში დიდი ხნის მკვდრების მსგავსად.

³ამიტომ შეწუხდა ჩემში სული ჩემი, გული ჩემი დანაღვლიანდა ჩემში.

⁴ვიხსენებ ძველ დღეებს, ვფიქრობ ყოველ შენს ნამოქმედარზე, ვუკვირდები შენი ხელის საქმეებს.

⁵ვიწვდი ხელებს შენსკენ; ჩემს სულს, ვითარცა მიწას გამოფიტულს, მოსწყურდი შენ.

⁶მსწრაფლ მიპასუხე, უფალო, სული ჩემი გაილია! ნუ დაფარავ შენს სახეს ჩემგან, თორემ დავემსგავსები საფლავში ჩასულებს.

⁷მომასმენინე დილდილობით შენი წყალობა, რადგანაც შენი იმედი მაქვს. მაუწყე, რომელი გზით ვიარო, რადგან შენსკენ აღვაპყრობ ჩემს სულს.

⁸მიხსენ ჩემს მტერთაგან, უფალო; შენთან ვაფარებ თავს!

⁹მასწავლე შესრულება შენი ნებისა, რადგან შენა ხარ ჩემი ღმერთი! შენი კეთილი სული წამიძღვეს სიმართლის გზაზე!

¹⁰შენი სახელის გულისათვის მაცოცხლე, უფალო! შენი სიმართლით გამოიყვანე გასაჭირიდან ჩემი სული!

¹¹შენი წყალობით მოსპე ჩემი მტრები, დაღუპე ყოველი მჩაგვრელი ჩემი სულისა, რადგან მე შენი მორჩილი ვარ.